ភ្នំពេញ៖ បុរសម្នាក់ដេកស្លាប់ក្នុងបន្ទប់តែម្នាក់ឯងដោយមិនដឹងមូលហេតុ កាលពីវេលាម៉ោង ១ រំលងអាធ្រាត ឈានចូលថ្ងៃទី ៤ខែមេសាឆ្នាំ២០១៦ នៅត្រង់ចំនុចផ្ទះជួល ភូមិជម្ពូវ័ន សង្កាត់ចោមចៅខណ្ឌពោធិសែនជ័យ ។បុរសដេកស្លាប់នោះុំានឈ្មោះ ម៉េង ភៀង អាយុ ៣៧ឆ្នាំ មុខរបរអ្នកបើករថយន្តក្រុងមានទីលំនៅផ្ទះកើតហេតុខាងលើ និងមានស្រុកកំណើត ភូមិពញ្ញង ឃុំធាយ ស្រុកបាភ្នំ ខេត្តព្រៃវែង ។
តាមការរៀបរាប់របស់ប្រពន្ធសព ឈ្មោះ ម៊ែសុភី អាយុ៣៣ឆ្នាំ មុខរបរធ្វើការរោងចក្រ បានអោយដឹងថា មុនពេលកើតហេតុប្រហែលជាម៉ោង៥ល្ងាច ជនរងគ្រោះបានផឹកស្រាថ្នាំ២នាក់មិត្តភក្ត្រ័អស់កន្លះលីត ពេលផឹករួចក៏ងូតទឹក មើលទូរទស្សន៍ធម្មតា ហើយក៏ចូលដេកធម្មតា ។
ប្រភពដដែលបានបន្តទៀតថា ស្រាប់តែនៅវេលាម៉ោងប្រហែល១២.៣០នាទីរំលងអាធ្រាតអ្នកស្រីបានលឺសូរសំលេងដកចង្ការមាន់២ទៅ៣ដង គាត់ស្មានតែស្រមុកទើបមិនចាប់អារម្មណ៍ ដល់វេលាម៉ោងកើតហេតុខាងលើគាត់ក៏ចាប់អង្រួនប្តីគាត់ តែប្តីគាត់មិនកំរើកសោះ ទើបនាំគ្នាឆោឡោសែងសាកសពចុះមកក្រោមហៅអ្នកជិតខាងបងប្អូនអោយជួយមើល ។
ក្រោយពេលកើតហេតុខាងគ្រួសារសពបានទាក់ទងហៅក្រុមសង្គ្រោះរបស់អង្គភាព៧១១ មកដឹកយកទៅមន្ទីពេទ្យ តែត្រូវអង្គភាព៧១១ប្រាប់ថាសាកសពបានស្លាប់បាត់ទៅហើយ ពេលដឹងថាប្តីស្លាប់ខាងក្រុមគ្រួសារក៏ដឹកសពយកទៅធ្វើបុណ្យតាមប្រពៃណីនៅឯស្រុកកំណើត ៕
