ខេត្តព្រះសីហនុៈ អភិបាលក្រុងព្រះសីហនុ លោក អ៊ី សុខឡេង នាព្រឹកថ្ងៃ០៤មេសារនេះ បានកោតសសើរដល់ប្រព័ន្ឋផ្សព្វផ្សាយពត៏មានក្នុងខេត្តព្រះសីហនុ ដែលបានផ្តល់ពត៏មានអោយអាជ្ញាធរក្រុង និង ស្ថាប័ណ្ណមួយចំនួនបានដឹងអំពី បញ្ហាផ្សេងៗជាពិសេសពាក់ព័ន្ឋករណីការចាក់ដី ការទន្ទ្រានកាន់កាប់ដីអូរ បឹង ព្រែក នៅក្នុងខេត្តព្រះសីហនុ។
ការថ្លែងបែបនេះបានធ្វើឡើងនៅក្នុង កិច្ចប្រជុំផ្សព្វផ្សាយសេចក្តីណែនាំរបស់សាលាខេត្ត និងស្តីការត្រួតពិនិត្យឡើងវិញនូវរាល់អូរ ប្រឡាយ និង ក៏ការសាងសង់សំណង់ នា នា លើចំណីអូរ និង ផ្លូវសាធារណៈនាព្រឹកថ្ងៃទី០៤មេសារនេះ ដោយលោកបានទទួលស្គាល់ថា សារពត៍មានពិតកញ្ចក់ឆ្លុះបញ្ហានា នា នៅក្នុងសង្គម ដែលបញ្ហាមួយចំនួនអាជ្ញាធរដែនដី ពុំបានដឹង ជាក់ស្តែង នាពេលកន្លងមក តាមបណ្តាអូរ ព្រែក មួយចំនួនត្រូវបានក្រុមជនខិលខូច លបលួចចាក់ដី រំលោភកាន់កាប់ដោយខុសច្បាប់ ហើយត្រូវបានបណ្តាញពត៍មាន ផ្តល់មកកាន់លោក ទើបលោកឈានដល់ការទប់ស្កាត់បានជាបន្តបន្ទាប់។លោក អភិបាលក្រុងអ៊ី សុខឡេង បានបន្តថា ក្នុងនាមលោក ជាអភិបាលក្រុង ជាអ្នកបំរើសង្គម និង បំរើប្រជាពលរដ្ឋ លោក ស្នើរយ៉ាងទទួចដល់ ប្រជាពលរដ្ឋ និង មន្ត្រីអ្នកមានអំណាចទាំងអស់សូមមេត្តាបញ្ឈប់សកម្មភាព លបលួចចាក់ដី រំលោភកាន់កាប់ដោយខុសច្បាប់ ចាប់ពីថ្ងៃជូនដំណឹងនេះតទៅ បើពុំដូចនោះទេ អាជ្ញាធរ ក្រុង ខេត្ត និង អនុវត្តន៏ទៅតាមផ្លូវច្បាប់ តាមមេត្រាទី២៥៩ នៃច្បាប់ភូមិបាល ចេញឆ្នាំ២០០២។ដោយឡែករាល់សំណង់ដែលបានសាងសង់ ប៉ះពាល់អូរ ព្រែក ពីមុនមក សូមរក្សានៅដ៏ដែល ប៉ុន្តែម្ចាស់សំណង់ត្រូវរិះរក និង កែលម្អរ ធ្វើយ៉ាង កាត់បន្ថយផលប៉ះពាល់ប្រកបសោភ័ណ្ឌភាព។លោក អភិបាលក្រុងបានបញ្ជាក់បន្ថែមថា កាលើកឡើងបែបនេះ មិនមែនលោក លើកទឹកចិត្តអ្នកដែលបានរំលោភកាន់កាប់ចំណីអូរព្រែកនោះទេ ប៉ុន្តែលោកគិតអំពីជីវភាពរបស់ពលរដ្ឋ ព្រោះប្រសិនបើវាយកម្ទេចសំណង់នោះចោល វាអាចបង្ករផលប៉ះពាល់យ៉ាងធ្ងន់ធ្ងរដល់ជីវភាព នឹងការរស់នៅរបស់បងប្អូនប្រជាពលរដ្ឋ ដូចនេះយើងត្រូវ នាំគ្នារិះរកវិធីសាស្ត្រអ្វីដែលល្អ ធ្វើយ៉ាងណាកែសម្រួលពីផលប៉ះពាល់ច្រើនមកនៅតិចតួច ពីតិចតួចមកពុំមានផលប៉ះពាល់។
សូមបញ្ជាក់ផងដែរ ថានៅខេត្តព្រះសីហនុ នៅមួយរយះចុងក្រោយនេះ នៅតាមបណ្តា អូរព្រែក បឹង សមុទ្រ គេសង្កេតឃើញថា មានប្រជាពលរដ្ឋ មន្ត្រីអ្នកមានអំណាច មួយចំនួនបាន លបលួចចាក់ដី ទន្ទ្រានកាន់កាប់កម្មសិទ្ឋឯកជនរបស់រដ្ឋ ធ្វើជាកម្មសិទ្ឋផ្ទាល់ខ្លួនដោយពុំបានខ្វាយខ្វល់អំពីផលប៉ះពាល់ដល់សង្គមជាតិឡើយ ជាក់ស្តែង នៅតំបន់បឹងព្រែកទប់ តំបន់ទំនប់រលក តំបន់ឆ្នេរអូត្រេះ តំបន់ព្រៃលិចទឹកស្ពានឆេះ តំបន់ព្រែកចុងឆ្នេរតំណាច់ស្តេច និង បណ្តារអូរ ព្រែកជាច្រើននៅតាមបណ្តាស្រុកទាំង៣ របស់ខេត្តព្រះសីហនុ៕កោះពស់ (រូបភាពចុះពិនិត្យដីអូររបស់ ថៅកែផ្ទះសំណាក់ (ជីបីធី)ថ្មីនេះ
