ឧត្តរមានជ័យ៖ កាលពីវេលាម៉ោង១៨និង៣០នាទី ថ្ងៃទី៤ ខែមេសា ឆ្នាំ២០១៦ មានករណីខ្យល់កន្ទ្រាក់មួយ បានកើតឡើងនៅក្នុងភូមិព្រៃ ឃុំគោកខ្ពស់ ស្រុកបន្ទាយអំពិល ខេត្តឧត្តរមានជ័យ បណ្តាលអោយរលំនិងបុើងដំបូលផ្ទះចំនួន៥ខ្នង ហើយខូចខាតទាំងស្រុងចំនួន២ខ្នង។លោកវរសេនីយ៍ទោ ហម ភារម្យ អធិការដ្ឋាននគរបាលស្រុកបន្ទាយអំពិល បានអោយដឹងថា ផ្ទះដែលមានការខូចខាត ដោយសារខ្យល់កន្ទ្រាក់នោះ. ១/ឈ្មោះ យុន យួត ភេទប្រុស រលំផ្ទះទាំងស្រុង-២/ឈ្មោះ ឡុញ សានួន ភេទស្រី រលំផ្ទះទាំងស្រុង-៣/ឈ្មោះតូច តាក់ ភេទប្រុសបុើងដំបូលស្បូវ-៤/ឈ្មោះ វ៉ាន់ ម៉ាយ ភេទភេទប្រុស បុើងដំបូលស័ង្កសី-៥/ឈ្មោះមួយ យ៉ន ភេទប្រុសបុើងដំបូលស័ង្កសី។លោកវរសេនីយ៍ទោ ហម ភារម្យ អធិការនគរបាលស្រុក បានបន្តទៀតថា នៅពេលកើតហេតុខ្យល់កន្ទ្រាក់ភ្លាមៗលោកបានចាត់កំលាំងប៉ុស្តិ៍នគរបាលឃុំនិងស្រុកចុះទៅជួយអន្តរាគមន៍ ដល់ប្រជាពលរដ្ឋដែលរងគ្រោះដោយសារខ្យល់កន្ទ្រាក់នោះផងដែរ៕
