-ឧត្តរមានជ័យ៖ កាលពីវេលាម៉ោង២២និង១០នាទី ថ្ងៃទី៤ ខែមេសា ឆ្នាំ២០១៦ មានករណីគ្រោះថ្នាក់ចរាចរណ៍ មួយម៉ូតូបង្ករដោយខ្លួនឯង បានបើកម៉ូតូលឿនទៅបុកនឹងដើមឈើ នៅលើផ្លូវកៅស៊ូ ក្នុងខេត្ត មុខអនុវទ្យាល័យសំរោង ស្ថិតនៅក្នុងភូមិបុរីរដ្ឋបាល សង្កាត់សំរោង ក្រុងសំរោង ខេត្តឧត្តរមានជ័យ បណ្តាលអោយស្លាប់១នាក់របួសធ្ងន់១នាក់។សមត្ថកិច្ច បានអោយដឹងថា ជនរងគ្រោះដែលជិះម៉ូតូលឿន ទៅបុកនឹងដើមឈើ ស្លាប់និងរបួសធ្ងន់នោះ ១/ឈ្មោះ ឯម បណ្ឌិត ភេទប្រុស អាយុ១៧ឆ្នាំ គឺជាអ្នកបើកម៉ូតូ រស់នៅភូមិពោធិចាស់ ឃុំបេង ស្រុកបន្ទាយអំពិល ខេត្តឧត្តរមានជ័យ មុខរបរជាជាងគោយន្ត(ស្លាប់)-២/អ្នករួមដំណើរឈ្មោះ ឃឿន និមល ភេទប្រុសអាយុ១៧ឆ្នាំ រស់នៅភូមិឈូក សង្កាត់សំរោង ក្រុងសំរោង ខេត្តឧត្តរមានជ័យ មុខរបរជាជាងគោយន្ត(របួសធ្ងន់)។សមត្ថកិច្ច បានបន្តឲ្យដឹងទៀតថា ដោយមិនពាក់មួកសុវត្ថិភាពនិងមូលហេតុ៖ស្រវឹងទៀតផង នៅពេលកើតហេតុភ្លាមៗសមត្ថកិច្ចយើង បានបញ្ជូនទៅកាន់មន្ទីរពេទ្យខេត្តឧត្តរមានជ័យ ភ្លាមៗផងដែរ៕
