កំពង់ចាម៖ឪពុកមាស្រវឹងស្រាម្នាក់បានមកលេងផ្ទះក្មួយបង្កើតដែលនៅទល់មុខគ្នាហើយក៏វាយក្មួយប្រុស2-3ដៃលេងស្រាប់តែក្មួយប្រុសម្នាក់ទៀតទាញកាំបិតកាប់មា
របស់ខ្លួន3កាំបិតរបួសជាទម្ងន់ត្រូវក្រុមគ្រួសារបញ្ជូនទៅសង្គ្រោះនៅមន្ទីរពេទ្យបង្ករ
អោយមានភាពភ្ញាក់ផ្អើលនៅវេលាម៉ោង19និង30នាទីយប់ថ្ងៃទី4មេសា2016ស្ថិតនៅភូមិទី8ឃុំសំរោងស្រុកកំពង់សៀមខេត្តកំពង់ចាម ។ ប្រភពពត៌មានពីកន្លែងកើតហេតុបានអោយដឹងថានៅមុនពេលកើតហេតុគេឃើញឈ្មោះប៉ុស ម៉ៅ ភេទប្រុសអាយុ45ឆ្នាំមានទីលំនៅភូមិឃុំកើតហេតុខាងលើបានចេញពីវង់ផឹកស៊ីត្រឡប់មកផ្ទះវិញដោយអាការៈស្រវឹងស្រាយ៉ាងខ្លាំង។
ពេលមកដល់ផ្ទះ ប៉ុស ម៉ៅមិនទាន់ចូលផ្ទះទេក៏ដើរទៅផ្ទះបងប្រុសបង្កើត
របស់ខ្លួនដែលនៅទល់មុខគ្នា ។
ពេលទៅដល់ផ្ទះបងហើយឈ្មោះ ប៉ុស ម៉ៅ
បានប្រឡែងលេងជាមួយក្មួយប្រុ
សបង្កើតខ្លួនដែលនៅទីនោះរួចហើយប៉ុសម៉ៅបានវាយក្មួយប្រុសនោះ2-3ដៃស្រាប់
តែក្មួយប្រុសម្នាក់ទៀតឈ្មោះ ប៊ុត ប៊ុននីអាយុ22ឆ្នាំបានទាញកាំបិតកាប់ទៅលើ
ឈ្មោះប៉ុសម៉ៅត្រូវជាមាបង្កើតត្រូវគុម្ពត្រចៀកខាងឆ្វេងមួយកាំបិតចំក្រោយខ្នង1កាំបិតនិងចំស្លាបប្រចៀវ1កាំបិតបណ្តាលអោយរងរបួសហើយត្រូវក្រុមគ្រួសារបញ្ជូន
ទៅព្យាបាលនៅមន្ទីរពេទ្យខេត្តកំពង់ចាម ។
លោក ជាធារិទ្ធ អធិការនគរបាលស្រុកកំពង់សៀមបានអោយដឹងថាក្រោយ
កើតហេតុជនដៃដល់បានរត់គេចខ្លួនបាត់ពីមូលដ្ឋានហើយសមត្ថកិច្ចកំពុងតាមប្រមាញ់និងកសាងសំណុំរឿងតាមនិតិវិធី ។
