ឧត្តរមានជ័យ៖.កាលពីវេលាម៉ោង៥និង១០នាទី ថ្ងៃទី៦ ខែមេសា ឆ្នាំ២០១៦ មានរណីហឹង្សាក្នុងគ្រួសារដុតផ្ទះខ្លួនឯងឆេះខ្ទេច នៅចំណុចភូមិគោកសំព័រ ឃុំលំទង ស្រុកអន្លង់វែង ខេត្តឧត្តរមានជ័យ។លោកវរសេនីយ៍ត្រី ងួន ទ្ធីរិទ្ធ មេបញ្ជាការកងរាជអាវុធហត្ថស្រុកអន្លង់វែង បានឲ្យដឹងថា ជនបង្ករឡើងដោយឈ្មោះចាយ សារី ភេទប្រុសអាយុ៥៦ឆ្នាំមុខរបរធ្វើស្រែ នៅភូមិ ឃុំ ខាងលើ មូលហេតុខឹងជាមួយកូនស្រីយកប្រាក់ចំនួន២០០០០រៀល ទៅទិញរូបយកមកស្លៀក ក៏ឈ្លោះប្រកែកជាមួយប្រពន្ធ ឈ្មោះមុី គា ភេទស្រីអាយុ៤៦ឆ្នាំ រហូតដល់វេលាម៉ោង៥និង១០នាទី. ថ្ងៃ ខែ ឆ្នាំដ៏ដែលជនសង្ស័យខាងលើ បានយកសាំងចាក់ដុតផ្ទះខ្លួនឯង ដែលមានទំហំ៧គុណ១២ម៉ែត្រថ្មក្រោមឈើលើប្រកគ្បឿងព្រមទាំងតូបលក់ដូរខាងមុខផ្ទះ ដែលមានទំហំ៥គុណ៦ម៉ែត្រ ធ្វើពីថ្មប្រកភីហ្វ្រូ ឆេះអស់ទាំងស្រុងសម្ភារះខូចខាត គិតជាទឹកប្រាក់សរុប៥៥០០០ដុល្លា បច្ចុប្បន្នជនសង្ស័យបានរត់គេចខ្លួនបាត់ស្រមោល៕
