ខេត្តតាកែវ៖ មានហេតុការរថភ្លើងកិនបុរសស្រវ៉ឹងខួបម្នាក់ស្លាប់កាលពីថ្ងៃទី០៣ ខែមេសា ឆ្នាំ២០១៦ ដោយបុរសនោះបានទៅដេកលើផ្លូវរថភ្លើងទាំងខ្លួនកំពុងស្រវឹងស្រាជោកនៅលើផ្លូវរថភ្លើងខាងលិចភូមិស្វាយព្រៃ ឃុំរំចង់ ស្រុកសំរោង ស្លាប់ទាំងមិនដឹងខ្លួន។ បុរសដែលត្រូវរថភ្លើងកិនស្លាប់នេះ ឈ្មោះ ជា ជូរ៉ា អាយុ៣៦ឆ្នាំទីលំនៅភូមិឈើទាល ឃុំឧត្តមសុរិយា ស្រុកត្រាំកក់ ខេត្តតាកែវ។ បើតាមការបកស្រាយរបស់ប្រពន្ធជនរងគ្រោះបានឲ្យដឹងថា ប្តីគាត់ជាមនុស្សញៀនស្រាហើយទម្លាប់ដើរមិនសូវចូលផ្ទះជាច្រើនដងមកហើយ ទើបតែថ្ងែនេះគាត់បានឮដំណឹងថាប្តីរបស់គាត់ស្លាប់ គាត់ក៏មកមើល គឺពិតជាប្តីគាត់មែន។ ក្រោយធ្វើកោសល្យវិច័យរួចសមត្ថកិច្ចបានប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី៕
