ភ្នំពេញ៖នារសៀលថ្ងៃទី០៦ ខែ មេសា ឆ្នាំ ២០១៦នេះ អភិបាលនៃគណៈអភិបាលខណ្ឌឫស្សីកែវលោក ជា ពិសី និងជាអនុប្រធាន អនុសាខាកាកបាទក្រហមកម្ពុជាខណ្ឌមានការរួមដំណើរពីលោក មូល វិរៈ ចៅសង្កាត់ឫស្សីកែវ រួមនិងក្រុមយុវជនសមាគមសិស្ស និស្សិតអាហារូបករណ៍ សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន(អ.ម.ត)បានពាំនាំយកអំណោយកាកបាទក្រហមកម្ពុជាខណ្ឌឫស្សីកែវតំណាងឲ្យសម្ដេចកិត្តិព្រឹទ្ធបណ្ឌិត ប៊ុន រ៉ា នី ហ៊ុន សែន ប្រធានកាកបាទក្រហមកម្ពុជា មកចែកជូនប្រជាពលរដ្ឋចាស់ជរាពិការភាពងាយរងគ្រោះនៅសាលាសង្កាត់ឫស្សីកែវចំនួន២០គ្រួសារដែលមកពីបណ្ដាភូមិនាៗក្នុងសង្កាត់ឫស្សីកែវរួមមានភូមិឃ្លាំងសាំងចំនួន៨គ្រួសារ ភូមិសាមគ្គី១គ្រួសារ ភូមិមិត្តភាពចំនួន១១គ្រួសារសរុបស្មើនិង២០គ្រួសារដោយក្នុង១គ្រួសារទទួលបាន៖អង្ករ ៣០គីឡូក្រាម ម៊ី១កេះ ត្រីខ១យួរស្មើ១០កំប៉ុង បំពង់ទឹកក្តៅ១ ឃីត១កញ្ចប់ មានមុង១ ភួយ១ សារុង១ ក្រម៉ា១ និងថវិកាចំនួន ៣០.០០០រៀលផងដែរ ។
ជាចុងបញ្ចប់ លោក ជា ពិសី អភិបាលខណ្ឌឫស្សីកែវបាន មានមតិផ្តាំផ្ញើដល់ប្រជាពលរដ្ឋទាំង២០គ្រួសារ ឲ្យខិតខំថែរក្សាសុខភាពឲ្យបានល្អ ហើយបើមានបញ្ហាជួបនឹងកង្វះខាតជីវភាពសូមរាយការណ៍ជូនមកលោកចៅសង្កាត់ដើម្បីធ្វើការចុះជួយជាបន្ទាន់ ហើយក៏បានសំណូមពរដល់បងប្អូនប្រជាពលរដ្ឋទាំងអស់ឲ្យមានការប្រុងប្រយ័ត្នយកចិត្តទុកដាក់ឲ្យបានខ្ពស់ចំពោះបញ្ហាគ្រោះអគ្គីភ័យដែលអាចកើតមានឡើងដោយប្រការណាមួយជាយថាហេតុ និងជូនពរដល់ប្រជាពលរដ្ឋឲ្យជួបប្រទះនឹងពុទ្ធពរទាំងបួនប្រការគឺ: អាយុ វណ្ណៈ សុខៈ ពលៈ កុំបីឃ្លាងឃ្លាតឡើយ ។ហាស់ កំសាន្ដ
