ខេត្តស្វាយរៀង÷លោក សំ ប៊ុណ្ណារិន អភិបាលរងខេត្តស្វាយរៀងបានលើកឡើងថា សន្និបាតសុខាភិបាលគឺជាព្រឹត្តការណ៍នៃការជួបជុំគ្នាប្រចាំឆ្នាំដ៍មានសារសំខាន់ដែលផ្តល់ឱកាសអោយថ្នាក់ដឹកនាំមន្ទីរសរុខាភិបាលមន្ត្រីបុគ្គលិកសុខាភិបាលគ្រប់លំដាប់ថ្នាក់ មន្ទីរពាក់ពន្ធ័ អាជ្ញាធរគ្រប់លំដាប់ថ្នាក់ ដៃគូអភិវឌ្ឌន៍ សមាគមវិជ្ជាជីវៈសុខាភិបាលរួមគ្នាពិនិត្យ វាយតំលៃសមទ្ធិផលនិងវឌ្ឌភាព វិស័យសុខាភិបាលក្នុងឆ្នាំ២០១៥រួមទាំងបញ្ហាប្រឈមចំពោះមុខនិងកាលានុវត្តភាព ដែលអាចមើលឃើញដើម្បីបន្តលើកកំពស់ការខិតខំប្រឹងប្រែងរួមគ្នាក្នុងទស្សនះតែមួយគឺការលើកកម្ពស់សុខភាពនិងសុខមាលភាពប្រជាពលរដ្នអោយកាន់តែប្រសើរទ្បើង។លោកសំប៊ុនណ្ណារិនថ្លែងបែបនេះក្នុងឱកាសដែលលោកអញ្ជើញជាគណះអធីបតីក្នុងពិធីសន្និបាតបូកសរុបសមិទ្ធផលសុខាភិបាលខេត្តស្វាយរៀងប្រចាំឆ្នាំ២០១៥និងលើកទិសដៅអនុវត្តន៍បន្តឆ្នាំ២០១៦នៅព្រឹកថ្ងៃទី៧ខែមេសាឆ្នាំ២០១៦នៅមន្ទីរសុខាភិបាលខេត្ត។
លោកសំប៊ុនណារិនបានធ្វើការជំរុញអោយមន្ត្រីរាជការសុខាភិបាលគ្រប់លំដាប់ថ្នាក់ត្រូវបន្តអនុវត្តន៍អន្តរាគមន៍សុខាភិបាលសំខាន់ៗដើម្បីជំរុញវឌ្ឌនភាពនៅក្នុងកម្មវិធី សុខភាពបន្តពូជ មាតា ទារកនិងកុមារ កម្មវិធីប្រយុទ្ធប្រឆាំងជម្ងឺរឆ្លង ជម្ងឺរមិនឆ្លង កម្មវិធីពង្រីក និងពង្រឹងសុខាភិបាលកាន់តែរឹងមាំថែមទៀត។លោកសំប៊ុណ្ណារិនបន្តទៀតថាត្រូវពង្រឹងគុណភាពថែទាំសុខភាព ជាពិសេសសមត្ថភាពធ្វើរោគវិនិច្ឆ័យ ព្យាបាល និងថែទាំនៅមិនទាន់ឆ្លើយតបទៅនិងសេចក្តីរំពឹងទុករបស់អ្នកជម្ងឺនិងអតិថិជននៅទ្បើយទាំងសេវាសាធារណះនិងឯកជន។
លោកសំប៊ុណ្ណារិនក៏បានរំពឹងទុកថាឈលើបទពិសោធន៍នៃចំណុចខ្លាំងនិងចំណុចខ្សោយដែងយើងទទួលបានក្នុងការអនុវត្តន៍ផែនការឆ្នាំ២០១៥កន្លងមកលោកមានទំនុកចិត្តថាវិស័យសុខាភិបាលក្នុងខេត្តរបស់យើងនឹងសំរេចបាននូវសមិទ្ធផលនិងវឌ្ឌនភាពថ្មីៗច្រើនថែមទៀតនៅក្នុងការអនុវត្តផែនការប្រតិបត្តប្រចាំឆ្នាំ២០១៦និងបន្តបន្ទាប់ទៀត។សូមបញ្ជាក់ថានៅក្នុងពិធីនេះដែរក៏មានជូនបណ្ណ័សរសើរដល់មន្ត្រីសុខាភិបាលផងដែរ។
