(ខេត្តបន្ទាយមានជ័យ): តាមសំណូមពរយ៉ាងទទូចរបស់ប្រជាពលរដ្ឋនិងមន្ត្រីរាជការដែលរស់នៅក្នុងខេត្តបន្ទាយមានជ័យបើរដ្ឋាភិបាលបានធ្វើការដោះដូរអភិបាលខេត្តថ្មីនោះប្រជាពលរដ្ឋបានធ្វើការសំណូមពរឲ្យឯកឧត្តម អភិបាលខេត្តថ្មីធ្វើការដង្ហែរូបជ័យវរ្ម័នទី៧ដែលឯកឧត្តមអភិបាលខេត្តចាស់គាស់រូបជ័យវរ្ម័នទី៧នេះយកទៅដាក់ហាលថ្ងៃហាលភ្លៀងនៅក្នុងវត្តជ័យឧត្តមភ្នំស្រុកឲ្យដង្ហែយកមកដាក់កន្លែងដើមវិញដើម្បីសេចក្តីសុខរបស់ប្រជាពលរដ្ឋក្នុងខេត្តបន្ទាយមានជ័យ។ដោយមានការស្រុះស្រួលមូលមតិគ្នាជាឯកច្ឆ័នរវាងឯកឧត្តម សួន បវរអភិបាលខេត្តបន្ទាយមានជ័យថ្មី និងមន្ត្រីសាលាខេត្តជាច្រើននាក់ទៀត និងលោកឧកញ៉ាហង្សស៉ីផាផងនោះបានសម្រេចថានៅថ្ងៃទី២៤ខែមេសាឆ្នាំ២០១៦ខាងមុខនេះនិងធ្វើពិធីបុណ្យយ៉ាងធំមួយនៅកន្លែងទីតម្កល់រូបជ័យវរ្ម័នទី៧ស្ថិតក្នុងវេទិការខេត្តបន្ទាយមានជ័យក្នុងភូមិ៣ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យដើម្បីដាក់រូបជ័យវរ្ម័ននោះនៅកន្លែងដើមវិញ។គួរបញ្ជាក់ផងដែរថាកន្លងមករូបជ័យវរ្ម័នទី៧ដែល ឯកឧត្តមអភិបាលខេត្តមុនយកមកដាក់តម្កល់នៅវេទិការនេះប្រជាពលរដ្ឋក្នុងខេត្តបន្ទាយមានជ័យមានជំនឿយ៉ាងខ្លាំងទៅលើរូបជ័យវរ្ម័នទី៧នេះថាមានរិទ្ធបារមីខ្លាំងពិសេសបានជួយគ្រប់គ្រងប្រជាពលរដ្ឋក្នុងខេត្តបន្ទាយមានជ័យឲ្យបានសេចក្តីសុខនិងសេចក្តីចំរើនគ្រប់គ្នាផងដែរ។ក្រោយពេល ឯកឧត្តម គោស៊ុ សារឿត អភិបាលខេត្តបន្ទាយមានជ័យបានឡើងមកកាន់កាប់ក្នុងខេត្តបន្ទាយមានជ័យនេះមិនបានប៉ុន្មានខែផងស្រាប់តែឯកឧត្តមអភិបាលខេត្តគោស៊ុសារឿតបានបញ្ជាឲ្យកូនចៅគាស់រូបសំណាកជ័យវរ្ម័នទី៧នេះយកទៅដាក់នៅវត្តជ័យឧត្តមស្រុកភ្នុំស្រុកទៅវិញព្រោះឯកឧត្តមសំអាងថារូបជ័យវរ្ន័នទី៧នេះខុសរចនាបទជាហេតុធ្វើឲ្យប្រជាពលរដ្ឋក្នុងខេត្តបន្ទាយមានជ័យមានការថ្នាំងថ្នាក់និង ឯកឧត្តម គោស៊ុ សារឿតជាពិសេសគឺប្រជាពលរដ្ឋក្នុងស្រុកភ្នំស្រុកនេះតែម្តងព្រោះសំអាងថាស្រុករបស់ពួកគាត់ជួបនិងគ្រោះធម្មជាតិពេលដែល ឯកឧត្តម គោស៊ុ សារឿតបាន យករូបជ័យវរ្ម័នទី៧នេះយកមកដាក់ក្នុងវត្តភ្នំស្រុករបស់គាត់នោះ។
លោក ឧកញ៉ា ហង្សស៉ីផាបានមានប្រសាសន៍ថាក្រោយពេលលោកបានដង្ហែរូបជ័យវរ្ម័យទី៧យកមកដាក់កន្លែងដើមវិញនោះលោកនិងធ្វើពិធីបួងសួងសុំសេចក្តីយ៉ាងធំមួយនៅកន្លែងតម្កល់មានលេងភ្លេងពិណ្យពាធ លោកឧកញ៉ាហង្សស៉ីផាសូមឲ្យប្រជាពលរដ្ឋក្នុងខេត្តបន្ទាយមានជ័យទាំងអស់ចូលរួមក្នុងពិធីបុណ្យនេះផងដែរដើម្បីសុំសេចក្តីសុខឲ្យមានដល់ប្រជាពលរដ្ឋនិងមន្ត្រីរាជការចេះរួបរួមសាមគ្គីគ្នាចេះយោគយល់គ្នាទៅវិញទៅមកដើម្បីកសាងខេត្តឲ្យមានការរីកចំរើនទៅថ្ងៃមុខផងដែរ៕ហួតសុខុម
