ភ្នំពេញ៖បុរសម្នាក់ស្រវឹងស្រាឡើងជោកជាំ បានបើករថយន្តក្នុងល្បឿនលឿន បានរេចង្កូតជ្រុលទៅបុករបាំងថ្មពុះចែកទ្រូងផ្លូវបណ្ដាលឲ្យរងការខូចខាត ហើយរថយន្តបង្កបានបែកកង់មុខផ្នែកខាងឆ្វេងទៅមុខលេងរួច។ហេតុការណ៍នេះបានកើតឡើងកាលពីវេលាម៉ោង១០និង៤៥នាទីយប់ ថ្ងៃទី៧ ខែមេសា ឆ្នាំ២០១៦ នៅចំណុចមុខមន្ទីពេទ្យ មិត្តភាពខ្មែរសូវៀត(ហៅពេទ្យរុស្សីុ) តាមបណ្ដោយផ្លូវ២៧១ ស្ថិតក្នុងសង្កាត់ទំនប់ទឹក ខណ្ឌចំការមន រាជធានីភ្នំពេញ។បើតាមសាក្សីដែលឃើញហេតុខាងលើនេះបានឲ្យដឹងថា នៅមុនពេលកើតហេតុ គឺរថយន្តបង្កម៉ាក កូរ៉ូឡា ពណ៌ខ្មៅ ពាក់ស្លាកលេខភ្នំពេញ 2A.3053 ដែលបើកបរដោយបុរសម្នាក់និងស្រវឹងស្រាឡើងជោកជាំ បើកក្នុងទិសដៅពីជើងទៅត្បួង ក្នុងល្បឿនលឿន ខណះមកដល់ចំណុចកើតហេតុក៏បានរេចង្កូតជ្រុលទៅបុកនិងរបាំងថ្មពុះចែកទ្រូងផ្លូវបណ្ដាលឲ្យរងការខូចខាត តែសំណាងល្អដែលមិនបណ្ដាលឲ្យមានមនុស្សណាម្នាក់រងរបួស ចំណែកឯរថយន្តបង្កបានបែកកង់មុខផ្នែកខាងឆ្វេង មិនអាចបន្តទៅមុខបាន ។
ក្រោយពេលកើតហេតុ សមត្ថកិច្ចមូលដ្ឋាននិងមន្ត្រីជំនាញបានចុះមកដល់កន្លែងកើតហេតុនិងធ្វើការវាស់វែង រួចស្ទួចរថយន្តបង្កនិងនាំម្ចាស់ ទៅកាន់ស្នងការចរាចរណ៍ជើងគោករាជធានីភ្នំពេញ ដើម្បីរងចាំដោះស្រាយតាមក្រោយ។ ដោយ:ជីម ភារ៉ា
