កំពង់ស្ពឺ=ការឃុបឃិតគ្នាបំផ្លិចបំផ្លាញព្រៃឈើដែលគួរឲ្យព្រួយបារម្មណ៏បំផុតគឺបទល្មើសកើតឡើងក្នុងដែនសមត្ថកិច្ចរបស់ខ្លួន ហើយសមត្ថកិច្ចជំនាញខ្លួនឯងធ្វើមិនដឹងមិនឭ ដោយមានការត្រូវដងត្រូវផ្លែដោយសម្ងាត់តាមរយៈការណាត់គ្នាតាមទូរសព្ទ័ ឬផ្តល់ពត៏មានផ្សេងៗដល់ក្រុមអ្នករកស៊ីបន្ថែមពីលើមិនបង្ក្រាបទៀតនោះ ។ហើយនៅក្នុងស្រុកឪរ៉ាល់ ខេត្តកំពង់ស្ពឺជាបន្តុំនៃការកើតមានបទល្មើសព្រៃឈើយ៉ាងខ្លាំង ដែលមានសមត្ថកិច្ចសម្រាប់ទប់ស្កាត់ជាច្រើនស្ថាបន័ ដូចជា បរិស្ថាន មេព្រៃ ប៉ូលីសសេដ្ឋកិច្ច ។ល។ តែជាក់ស្តែងសមត្ថកិច្ចទាំងគេមិនដែលបានឃើញចេញបង្ក្រាបនោះទេ ហើយជាញឹកញាប់ក្រុមឡានដឹកឈើ និងគោយន្តតែងតែបានបង់លុយជាថ្នូរទៅនិងសុំបើកផ្លូវទៅវិញ ។មិនតែប៉ុណ្ណោះថ្ងៃទី ០៦ខែមេសា ឆ្នាំ២០១៦នេះលោក ជា ហ៊ាន ជាប្រធានអង្គការការពារធនធានធម្មជាតិប្រចាំខេត្តកំពង់ស្ពឺរកឃើញបទព្រៃឈើ ក្នុងដែនជំរកសត្វព្រៃភ្នំឪរ៉ាល់ដែលមានគោយន្ត ចំនួន១០គ្រឿងមានផ្ទុកឈើ ៥២ដុំ នៅចំណុចភូមិស្រែកិន ឃុំត្រពាំងជោ ស្រុកឪរ៉ាល់ ខេត្តកំពង់ស្ពឺ គ្រាដែលឈើទាំងនោះបានបោះជំហ៊ានឆ្លងផុតស្នាក់ការ របស់មន្ត្រីបរិស្ថានរួច រាល់ហើយ ។គ្រានោះលោក ជា ហ៊ាន បានរាយការណ៏សុំអន្តរាគមន៏បង្ក្រាប តែមានសមត្ថកិច្ចខ្លៈហាក់អល់អែកមិនចង់បង្ក្រាបនោះឡើយ ។ការរារែកមិនចង់បង្ក្រាបត្រូវបានលោក ជា ហ៊ានប្រាប់ថាម្ចាស់គោយន្តបានប្រាប់លោកថា ពួកគេបានបងលុយជូនមន្ត្រីបរិស្ថានរួចហើយដោយមួយគោយន្ត ៨០០០០ រៀល និងមេព្រៃ ៧០០០០រៀលក្នុងមួយគោយន្តដូចគ្នា ។
ប្រភពបានបញ្ជាក់ទៀតថាក្នុងនោះក៏មានបង់លុយដល់ ប៉ូលីសសេដ្ឋកិច្ច និងប៉េអឹមផងដែរ ដែលក្នុងមួយគោយន្តម្ចាស់បានចំណាយរាប់លានរៀល ទំរាំចេញមកដល់ទីតាំងចុងក្រោយ ។តែទោះជាបែបណាគោយន្តទាំង១០គ្រឿងត្រូវបានបង្ក្រាប ដោយសរុបឈើ ៥២ដុំស្មើនិង ១៤,៦៤ មែត្រគូប និងត្រូវបានយកមករក្សាទុកនៅស្នាក់ការដែនជំរកសត្វព្រៃភ្នំឪរ៉ាល់ ។តាមលើកឡើងពីប្រភពដដែល បានបញ្ជាក់ថានៅមានគោយន្តជាច្រើនផ្សេងទៀតត្រូវបានគេលួចទូរសព្ទ័ប្រាប់ ឲ្យរត់ទៅលាក់កន្លែងផ្សេងការពារមន្ត្រីអង្គការការពារធនធានធម្មជាតិមើលឃើញ ហើយប្រភពអៈអាងថាអ្នកដែលទូរសព្ទ័ប្រាប់គឺមានអ្នកយាមផ្លូវសម្រាប់ក្រុមឈ្មួញរកស៊ីឈើទាំងនោះ ដែលមានសមត្ថកិច្ចយាមតាមផ្លូវនោះស្រាប់ដែរ ។ គួររំលឹកថាមុខជំនួញឈើទាំងស្របច្បាប់ខ្លៈ និងមិនស្របច្បាប់ខ្លៈត្រូវបានគេដឹងថាកំពង់កើតមានយ៉ាងអនាធិបតេយ្យនៅចំណុចខាងលើ ដែលទាំមទារឲ្យថ្នាក់ដឹកនាំមានការគិតគូរពីចំណុចអវិជ្ជមានទាំងនេះយ៉ាងចាំបាច់ ។ យោងតាមច្បាប់ស្តីពី តំបន់ការពារធម្មជាតិ មាត្រា៦៤ បានចែងថា មន្ត្រីរដ្ឋបាលការពារ និងអភិរក្សធនធានធម្មជាតិ ឬ ភ្នាក់ងារអធិការ ឬមន្ត្រីបរិស្ថានរូបណា ដែលមានការធ្វេសប្រហែស ខ្វៈការប្រុងប្រយត្ន័ ឬមិនគោរពបទបញ្ញាតិនៃច្បាប់នេះ ត្រូវទទួលទណ្ឌកម្មខាងវិនយ័រដ្ឋបាល នឹង/ឬ ត្រូវចោទប្រកាន់ចំពោះមុខតុលាការ ។មន្ត្រីរដ្ឋបាលការពារ និងអភិរក្សធនធានធម្មជាតិ ឬ ភ្នាក់ងារអធិការ ឬមន្ត្រីបរិស្ថានរូបណា ដែលសមគំនិតនិងអ្នកប្រព្រឹត្តបទល្មើស ឬជួយសម្រួលក្នុងការប្រព្រឹត្តបទល្មើសនេះ ត្រូវផ្តន្ទាទោសដូចចារីដែរ ៕
