ខេត្តរតនគិរីៈដើម្បីត្រៀមអបអរសាទរសង្ក្រានឆ្នាំថ្មីឆ្នាំវកអដ្ឋស័កព.ស២៥៦០គ.ស២០១៦នាពេលដ៏ខ្លីខាងមុខនេះក៏ដូចជាដើម្បីសោភ័ណ្ឌភាពអនាម័យបរិស្ថានស្អាតនៃក្រុងបានលុងខេត្តរតនគិរី។មន្ត្រីសាលាខេត្តដឹកនាំដោយលោកមួងមករាសមាជិកស.ស.យ.កខេត្តដោយមានការចង្អុលបង្ហាញពីឯកឧត្តមអភិបាលខេត្តនៅរសៀលថ្ងៃទូ០៧ខែមេសាឆ្នាំ២០១៦បានធ្វើពលកម្មសំអាតអនាម័យតាមដងផ្លូវនិងបរវេណមុខសាលាខេត្តរតនគិរី។ក្នុងឱកាសនោះដែរលោកមួង មករាបានអំពាវនាវដល់មន្ត្រីរាជាការមន្ទីរស្ថាប័នពាក់ព័ន្ទជំុវិញខេត្តព្រមទាំងប្រជពលរដ្ឋមេត្តាចូលរួមសម្អាតអនាម័យបរិស្ថាននិងគេហដ្ឋានរៀងៗខ្លួនដើម្បីទទួលពរជ័យសិរីសួស្តីឆ្នាំថ្មីខាងមុខនេះ។
លោកអ៊ុកសំអុលអភិបាលក្រុងបានលុងបានប្រាប់ឲ្យដឹងតាមទូរស័ព្ទនៅល្ងាចថ្ងៃទី០៧នេះថាបុណ្យចូលឆ្នាំប្រពៃណីខ្មែខាងមុខនេះក្នុងនាមលោកជាអភិបាលក្រុងលោកបានរៀបចំកម្លាំងបញ្ជាការឯកភាពទាំង៣ឲ្យចុះពង្រឹងតាមមូលដ្ឋានរម្មណីយ៍ដ្ឋានផ្ទះសំណាក់តាមដងផ្លូវសាធារណៈដើម្បីការពារភ្ញៀវជាតិនិងអន្តរជាតិដែលបានមកកំសាន្តនៅខេត្តរតនគិរីឲ្យទទួលបាននៅសុខសន្តិភាពជួនប្រជាពលរដ្ឋភ្ញៀវជាតិនិងអន្តជាតិក្នុងពិធីបុណ្យចូលឆ្នាំប្រពៃណីខ្មែរខាងមុខនេះ៕ដោយ យក្ស ឡោម
