សៀមរាប៖ស្របពេលដែលប្រមុខរាជរដ្ឋាភិបាលសម្ដេចតេជោហ៊ុនសែនបានខិតខំប្រឹងប្រែងយ៉ាងសកម្មខ្ចីលុយបរទេសមកដើម្បីអភិវឌ្ឍន៍ប្រទេសនោះបែជាថ្នាក់ក្រោមទទួលបន្ទុកបង្ក្រាបបទល្មើសព្រៃឈើនាំគ្នារឃុបឃិតជាមួយឈ្មួញឲ្យមានសកម្មភាពកាប់បំផ្លាញព្រៃឈើនិងដឹកជញ្ជូនឈើលក់ដោយខុសច្បាប់ដោយសេរី។
ជាពិសេសលោកទាគឹមសុទ្ធនាយខណ្ឌរដ្ឋបាលព្រៃឈើសៀមរាបត្រូវបានមន្ត្រីឃ្លាំមើលបទល្មើសព្រៃឈើធ្វើការរិះគន់និងសង្ស័យថាអាចនៅពីក្រោយខ្នងថៅកែដេប៉ូលក់ឈើទិញឈើយីហោផេមផាត់និងជាសុភី?ដែលជាមេក្លោងដ៍ធំជាងគេបើកទទួលទិញឈើដោយខុសច្បាប់ប្រចាំអាណាចក្រខេត្តសៀមរាបរាប់សិបឆ្នាំមកហើយ។ អ្នកសៀមរាបបាននិយាយថាដេប៉ូផេមផាត់និងជាសុភីគេបានប្រកបមុខរបលក់ឈើទិញឈើជាយូឆ្នាំមកហើយធ្វើឲ្យជំនួញឈើថៅកែទាំងពីនេះកំពុងកាក់កបខ្លាំងណាស់ដែលនាំឲ្យពួកគេក្លាយខ្លួនជាអ្នកមានដ៍ស្ដុកស្ដមមានផ្ទះសំណាក់សណ្ឋាគារវីឡានិងជិះរថយន្តសុទ្ធតែសេរីទំនើបៗមិនចាញ់ឧកញ៉ាឡើយ។ថៅកែដេប៉ូឈើទាំងពីនេះគឺមិនធម្មតាឡើយបើយើងពិពណ័នាពីទ្រព្យសម្បត្តិដែលបានមកពីជំនួញឈើប៉ុន្មាឆ្នាំមកនេះ។
ក្រុមប្រជាពលរដ្ឋដែលជាម្ចាស់ដើមធនធានធម្មជាតិបានស្នើយ៉ាងទទូចដល់ប្រមុខរាជរដ្ឋាភិបាលនិងអង្គភាប្រឆាំងអំពើពុករលួយជួយបើកការស៊ើបអង្កេតទៅលើដេប៉ផេមផាត់និងជាសុភីដែលជាដើមចមនាំឲ្យបាត់បង់ព្រៃឈើស្ទើតែក្លាយជាវាលរហោស្ថាននោះនាំទៅផ្ដន្ទាទោសតាមផ្លូវច្បាប់និងរឹបអូសទ្រព្យសម្បត្តិដែលបានមកពីបំផ្លិចបំផ្លាញព្រៃឈើទុកជាសម្បត្តិរដ្ឋនិងបង្ហាញឲ្យមហាជនបានឃើញជាសាធារណះ។
ចែទូចថៅកែដេប៉ូយីហោផេមផាត់និងថៅកែដេប៉ូយីហោជាសុភីដែលមានទីតាំងស្ថិតនៅភូមិជន្លង់សង្កាត់សាលាកំរើកក្រុងសៀមរាបខេត្តសៀមរាបនៅតែផ្គើនមិនញញើតដៃបន្តបើកទទួលទិញឈើទាំងស្របច្បាប់និងមិនស្របច្បាប់ដដែលបើទោះបីជាដឹងថាមុខរបនេះនាំឲ្យហិនហោចបាត់បង់ព្រៃឈើនិងសម្បត្តិធនធានធម្មជាតិយ៉ាងណាក៍ដោយក៍ចែទូចនិងជាសុភីនៅតែមិនខ្លាចច្បាប់ព្រៃឈើផ្ដន្ទាទោសពួកគាត់ដែរ។
ក្រុមអ្នកជំនាញព្រៃឈើបានអះអាងថារាល់ក្រុមហ៊ុនដែលបានអាជ្ញាប័ណ្ណពីរាជរដ្ឋាភិបាលដើម្បីវិនិយោគផ្នែកដំណាំកសិកម្មនិងកសិឧស្សាកម្មហើយហើយបានកាប់ឈើលក់នោះគឺសឹងតែទាំងអស់បានដឹកឈើពុំសូវមានច្បាប់គ្រប់គ្រាន់នោះទេដោយមានការឃុបឃិតគ្នារជាមួយសមត្ថកិច្ចពាក់ព័ន្ទជាពិសេសមន្ត្រីរដ្ឋបាលព្រៃឈើដែលមានតួនាទីចេញច្បាប់ប៉េសេឲ្យដឹក។ដូច្នេះរដ្ឋាភិបាលកម្ពុជាបានបាត់បង់ថវិការយ៉ាងច្រើនពីផលនិងអនុផលព្រៃឈើដោយសារតែក្រុមឈ្មួញនិងក្រុមហ៊ុនដឹកឈើបន្លំភ្នែករដ្ឋ។ ជាក់ស្ដែងដូចជាករណីដេប៉ូផេមផាត់និងជាសុភីកន្លងមករហូតដល់សព្វថ្ងៃកំពុងតែបើកទទួលទិញឈើទាំងស្របច្បាប់និងល្មើសច្បាប់រាល់ថ្ងៃក្នុងនោះត្រូវបានគេដឹងទៀតថារាល់ពេលទិញឈើក្រុមហ៊ុនណាក៍ដូចក្រុមហ៊ុនណាគឺលក្ខណះច្បាប់ពុំមានតម្លាភាពគ្រប់ជ្រុងជ្រោយនោះឡើយ។
តាមសេចក្ដីរាយការណ៍ពីខេត្តសៀមរាបបានឲ្យដឹងថានៅដើមឆ្នាំ២០១៣នេះចែទូចម្ចាស់ដេប៉ូផេមផាត់និងម្ចាស់ដេប៉ូជាសុភីបានបើកទទួលទិញឈើពីក្រុមហ៊ុនមួយដែលបានដឹកមកពីខេត្តព្រះវិហារឆ្លងកាត់ស្រុកស្វាយលើដែលគេបានដាក់ការសង្ស័យថាក្រុមហ៊ុននោះដឹកឈើពុំមានប៉េសេនោះទេ។ ប៉ុន្តែទោះបីជាគ្មានប៉េសេក៍ដោយក៍មានសមត្ថកិច្ចឬជំនាញណាអាចបង្ក្រាបបានឡើយដោយសារតែនៅពេលធ្វើការបង្ក្រាបរថយន្តដឹកឈើសង្ស័យអត់ច្បាប់នោះគឺឈ្មួញនិងថៅកែដេប៉ូរួមជាមួយមេព្រៃបានឃុបឃិតគ្នារធ្វើប៉េសេឲ្យរថយន្តដឹកឈើគ្មានច្បាប់ក្លាយទៅជាមានច្បាប់គ្រប់គ្រាន់យ៉ាងតក់ក្រហល់បំផុតទាំងនេះជាល្បិចកលក្រុមមេព្រៃនៅសៀមរាបនិងឈ្មួញសព្វថ្ងៃ។
ក្រុមអ្នកតាមដានបទល្មើសព្រៃឈើបាននិយាយថារាល់ដេប៉ូលក់ឈើនិងទិញឈើក្នុងខេត្តសៀមរាបទាំងអស់គឺថៅកែនីមួយៗបានអួតប្រាប់អ្នកកាសែតថាឈើនៅក្នុងដេប៉ូរបស់គេសុទ្ទតែមានច្បាប់ទម្លាប់គ្រប់គ្រាន់ប៉ុន្តែនៅពេលក្រុមអន្តរក្រសួងកសិកម្មរុក្ខាប្រមាញ់និងនេសាទចុះធ្វើអធិការកិច្ចនៅតាមដេប៉ូទាំងនោះម្ដងៗគឺម្ចាស់ដេប៉ូដែលរកស៊ីទិញឈើនិងលក់ឈើទាំងអស់បាននាំគ្នារលួចដឹកឈើចេញទាំងយប់យកទៅលាក់តាមផ្ទះអ្នកស្រុកដើម្បីកុំឲ្យមេព្រៃក្រសួងឃើញឈើរបស់ពួកគេច្រើននិងធ្វើការត្រួតពិនិត្យនោះឡើយគឺថៅកែដេប៉ូបានដឹងខ្លួនមុនពេលក្រសួងចុះពិនិត្យប៉េសេ។
មតិជាច្រើនគេឆ្ងល់ថាឋានះត្រឹមថៅកែដេប៉ូលក់ឈើសោះហេតុអ្វីដឹងក្រសួងចុះមកត្រួតពិនិត្យនៅតាមដេប៉ូឬមួយខ្មោចស្រុកឲ្យដៃទើបពួកឈ្មួញឈើទាំងនោះដឹងខ្លួនមុន។ផ្ជាប់ជាមួយករណីនេះដូចជាដេប៉ូផេមផាត់និងដេប៉ូជាសុភីក៍ជាអ្នកទទួលខុសត្រូវផងដែរពីបញ្ហានេះព្រោះដេប៉ូទាំងពីនេះបានក្លាយទៅជាមេក្លោងដ៍ធំនាំឲ្យមានបទល្មើសព្រៃឈើកើតមានមិនចេះចប់មិនចេះហើយនៅអាណាចក្រខេត្តសៀមរាប
កាលពីកន្លងទៅថ្មីៗនេះអង្គភាពប្រឆាំងអំពើពុករលួយបានចាប់ខ្លួនមន្ត្រីជាច្រើនពាក់ព័ន្ទទៅនិងប្រព្រឹត្តអំពើពុករលួយក្នុងនោះមានមន្ត្រីតុលាការប៉ូលិសនិងមន្ត្រីរដ្ឋាភិបាលជាច្រើននាក់ទៀតដែលត្រូវបានចាប់ខ្លួនដាក់ក្នុងគុកជាបន្តបន្ទាប់ដូចជាករណីមន្ត្រីធនធានទឹកខេត្តកំពង់ធំរួមជាមួយអ្នកពាក់ព័ន្ទជាច្រើនទៀតនៅស្រុកស្ទោងដែលបានឃុបឃិតគ្នាស៊ីសំណូកកាប់បំផ្លាញព្រៃលិចទឹកអស់ជាច្រើនហិកតា។
ក្រោយពេលប្រមុខរាជរដ្ឋាភិបាលកម្ពុជាក៍ដូចអង្គភាពប្រឆាំងអំពើពុករលួយបានធ្វើការបោសសំអាតមន្ត្រីប្រព្រឹត្តពុករលួយនៅស្រុកស្ទោងរួចមកមន្ត្រីសង្គមស៊ីវិលនិងប្រជាពលរដ្ឋគាំទ្រយ៉ាងពេញទំហឹងដោយសារតែអ្នកបំផ្លាញព្រៃលិចទឹក ត្រូវបានវែកមុខនិងផ្ដន្ទាទោសទៅតាមច្បាប់ប្រយោជន៍ដើម្បីទុកជាគំរូដល់មន្ត្រីផ្សេងទៀតកុំឲ្យប្រព្រឹត្តដូចខាងលើ។ ដូច្នេះហើយទើបអង្គការសង្គមស៊ីវិលនិងប្រជាពលរដ្ឋបានស្នើយ៉ាងទទូចដល់អង្គភាពប្រឆាំងអំពើពុករលួយជួយបើកការស៊ើបអង្កេតទៅលើដេប៉ូផេមផាត់និងដេប៉ូជាសុភីរួមជាមួយមន្ត្រីរដ្ឋបាលព្រៃឈើដែលមានការពាក់ព័ន្ទស៊ីសំណូកគ្នារនាំឲ្យធនធានធម្មជាតិព្រៃឈើជួបនូវវិនាសសកម្មយ៉ាងធ្ងន់ធ្ងរក្នុងពេលបច្ចប្បន្ននេះ។
