(រាជធានីភ្នំពេញ )៖នាព្រឹកថ្ងៃទី៨ ខែមេសា ឆ្នាំ២០១៦ នៅអគ្គស្នងការដ្ឋាន នគរបាលជាតិ ឯកឧត្តម នាយឧត្តមសេនីយ៍ នេត សាវឿន អគ្គស្នងការនគរបាលជាតិ បានទទួលជួប ឯកឧត្តម THACH DU ឯកអគ្គរដ្ឋទូត នៃសាធារណរដ្ឋសង្គមនិយមវៀតណាម ប្រចាំព្រះរាជា ណាចក្រកម្ពុជា រួមនិងប្រតិភូអមដំណើរ ដើម្បីជូនពរឆ្នាំថ្មី ប្រពៃណី ជាតិខ្មែរ ដល់ថ្នាក់ដឹកនាំ អគ្គស្នងការដ្ឋាន នគរបាលជាតិ និងកង កម្លាំង នគរបាលទូទាំងប្រទេស។
ក្នុងជំនួបនោះឯកឧត្តមនាយឧត្តសេនីយ៍ នេត សាវឿន អគ្គស្នងការនគរបាលជាតិ ក្នុងនាម ថ្នាក់ដឹកនាំ នៃអគ្គស្នងការដ្ឋាន នគរបាលជាតិ ព្រមទាំង នាយ នាយរង និងពលនគរបាលទាំងអស់ សូមថ្លែងអំណរគុណយ៉ាង ជ្រាលជ្រៅចំពោះទឹកចិត្តស្រឡាញ់ រាប់អានគ្នារវាងរដ្ឋាភិបាលប្រទេសយើងទាំងពីរ ក៏ដូចជា ប្រជាពលរដ្ឋផងដែរ។ ឯកឧត្តម បន្តថា ជារៀងរាល់ឆ្នាំ កម្ពុជា និងស្ថានទូតនៃសាធារណរដ្ឋសង្គមនិយមវៀតណាមប្រចាំព្រះរាជាណាចក្រ
កម្ពុជា តែងតែធ្វើពិធី ជូនពរឆ្នាំថ្នី ឲ្យគ្នាទៅវិញទៅមកនេះសម្តែងចេញឲ្យឃើញនូវសាមគ្គីភាពនិងកិច្ចសហប្រតិបត្តិល្អរវាងប្រទេសទាំងពីរ។ឯកឧត្តម នាយឧត្តមសេនីយ៍ នេត សាវឿន បានមានប្រសាសន៍ ទៀតថា កម្ពុជា-វៀតណាមគឺជាប្រទេសមានភូមិផងរបងជាមួយគ្នានិយាយជារួមប្រទេសយើងទាំងពីរមិនអាចខ្វះគ្នាបាននោះទេនិងនិយាយដោយឡែក គឺកិច្ចសហប្រតិបត្តិការ និងការរួមគ្នាដោះស្រាយនូវរាល់បញ្ហាប្រឈមនានា ដើម្បីឲ្យមានសុខសុវត្ថិភាព និងការអភិវឌ្ឍ។ 
ឯកឧត្តម បន្តថា កន្លងមកស្ថានទូតនៃសាធារណរដ្ឋសង្គមនិយមវៀតណាម ប្រចាំព្រះរាជាណាចក្រ កម្ពុជាតែងតែសហការគ្នាល្អជាមួយនគរបាលជាតិកម្ពុជាក្នុងការផ្លាស់ប្តូរបទពិសោធន៍និងព័ត៌មានពាក់ព័ន្ធបទល្មើសផងដែរ។ជាមួយគ្នានោះដែរ ឯកឧត្តមអគ្គស្នងការនគរបាលជាតិ ក៏បានជូនពរ ដល់ ឯកឧត្តម THACH DUឯកអគ្គរដ្ឋទូតនៃសាធារណៈរដ្ឋសង្គម និយមវៀតណាម ប្រចាំព្រះរាជាណា
ចក្រកម្ពុជា រួមនឹងប្រតិភូ អមដំណើរ ឲ្យទទួលបានសុខភាពល្អនិងជោគជ័យគ្រប់ភារកិច្ចក្នុងឱកាសដែលបំពេញបេសកកម្មនៅកម្ពុជា។ក្នុងជំនួបនោះដែរ ឯកឧត្តម THACH DU ឯកអគ្គរដ្ឋទូត នៃសាធារណរដ្ឋសង្គមនិយមវៀតណាម ប្រចាំព្រះរាជាណាចក្រកម្ពុជាបានមាន
ប្រសាសន៍ជូនពរក្នុងឱកាសបុណ្យចូលឆ្នាំ ថ្មីប្រពៃណីជាតិខ្មែរ ឆ្នាំវក អដ្ថស័ក, ព.ស ២៥៦០ ដែលនឹងឈាន ចូលមកដល់ នាពេលឆាប់ៗខាងមុខនេះ ឯកឧត្តម សូមគោរពជូនពរ ដល់ ឯកឧត្តម នាយឧត្តមសេនីយ៍ នេត សាវឿន អគ្គស្នងការ នគរបាលជាតិ និងថ្នាក់ដឹកនាំទាំងអស់នៃអគ្គស្នងការដ្ឋាននគរបាលជាតិព្រមទាំងកងកម្លាំងនគរបាលទូទាំងប្រទេសសូមទទួលបានសុខភាពល្អកម្លាំងពលំមាំមួននិងសម្រេចជោគជ័យ គ្រប់ភារកិច្ច ដែលក្រសួងមហាផ្ទៃ និងរាជរដ្ឋាភិបាលកម្ពុជា ប្រគល់ ជូន ៕ដោយះ លោក អ៊ុន ប៊ុនថា
