ភ្នំពេញ៖ស្ត្រីមានផ្ទៃពោះ៥ខែរួមនិងប្ដី ដោយអត់លុយចាយចូលឆ្នាំខ្មែរ បានទៅជួលបន្ទប់ផ្ទះសំណាក់ដើម្បីដេក រួចធ្វើសកម្មភាពលួចសម្ភារៈរួមនិងទូរទស្សន៍១គ្រឿងបានសម្រេច ក៍ត្រូវម្ចាស់ផ្ទះសំណាក់ឃើញទាន់រាយការណ៍ជូននគរបាលប៉ុស្ដិ៍ឫស្សីកែវឲ្យឃាត់ខ្លួនសាកសួរនៅវេលាម៉ោង១១ព្រឹក ថ្ងៃទី១០ ខែមេសា ឆ្នាំ២០១៦នៅត្រង់ចំណុចផ្ទះសំណា
ក់បឹងកំសាន្ត ផ្លូវបេតុង ក្រុមទី១៤ ភូមិបឹងសាឡាង សង្កាត់ឬស្សីកែវ ខណ្ឌឬស្សីកែវ ។លោក តូច គឹមសុង នាយប៉ុស្ដិ៍ឫស្សីកែវបានប្រាប់អ្នក សារព័ត៌មានថា បុរសជាប្ដីដែលត្រូវជាប់សង្ស័យពាក់ព័ន្ធករណីលួចមានឈ្មោះតាំង ប៊ុនតេង ភេទប្រុសអាយុ៤១ឆ្នាំ មុខរបររត់ម៉ូតូឌុប រីឯស្ត្រីសង្ស័យជាប្រពន្ធមានផ្ទៃពោះ៥ខែនិងមានឈ្មោះសរ លាភ ភេទស្រី អាយុ៣៨ឆ្នាំ មានមុខរបរកម្មាការនីរោងចក្រ ស្នាក់នៅនៅផ្ទះជួល សង្កាត់កាកាប ខណ្ឌពោធិសែនជ័យ រាជធានីភ្នំពេញ។ ចំណែកជនរងគ្រោះជាម្ចាស់ផ្ទះសំណាក់មានឈ្មោះ ជុំ ម៉ារ៉ា ភេទស្រី អាយុ ២៥ឆ្នាំ ស្នាក់នៅចំណុចកើតហេតុខាងលើ ។
នាយប៉ុស្ដិ៍ឫស្សីកែវលោក តូច គឹមសុង បានប្រាប់ទៀតថា
មុនពេលកើតហេតុ ជនត្រូវជាប់សង្ស័យទាំង២នាក់ប្ដីប្រពន្ធ
បានមកជួលបន្ទប់ផ្ទះសំណាក់ខាងលើដើម្បីដេក រួចក៍ធ្វើ សកម្មភាពលួចដោះយកទូរទស្សន៍ចំនួន១គ្រឿងរួមទាំងសម្ភារៈមានកាបូបដាក់សំលៀកបំពាក់ចំនួន១ ក៍ត្រូវបានម្ចាស់
ផ្ទះសំណាក់ដែលជាជនរងគ្រោះឃើញរាយការណ៍ប្រាប់កម្លាំងសមត្ថកិច្ចមូលដ្ឋានប៉ុស្ដិ៍ឫស្សីកែវរួមសហការណ៍និងកម្លាំងប្រជាការពារសង្កាត់មកអន្តរាគមន៍ឃាត់ខ្លួនជនសង្ស័យទាំង២នាក់ប្រពន្ធភ្លាមបន្ទាប់ពីធ្វើសកម្មភាពលួចរួចបម្រុងរត់គេចខ្លួនដើម្បីយកមកធ្វើការសាកសួរនៅប៉ុស្ដិ៍នគរបាលឫស្សីកែវតែម្ដង ។លោកតូច គឹមសុង បានបញ្ជាក់ថា ក្រោយធ្វើការសាកសួរជនត្រូវជាប់សង្ស័យទាំង២នាក់ប្ដីប្រពន្ធបានឆ្លើយសារភាពថា ដោយសារអត់មានលុយចាយចូល ឆ្នាំខ្មែរនេះ និងប្រពន្ធមានផ្ទៃពោះចំនួន៥ខែទៀត ទើប សម្រេចចិតចូលទៅជួលបន្ទប់ដេកដើម្បីលួចតែម្ដងទៅ ។
លោក តូច គឹមសុង បានបញ្ជាក់ទៀតថា ជនត្រូវសង្ស័យទាំង២នាក់ប្ដីប្រពន្ធត្រូវបញ្ជូនទៅឃុំខ្លួនសាកសួរបណ្ដោះអាសន្ននៅអធិការដ្ឋាននគរបាលខណ្ឌឫស្សីកែវដើម្បីចាត់ការតាមនិតិវិធីដោយឡែកចំពោះទូរទស្សន៍១គ្រឿងត្រូវបានសមត្ថកិច្ចប៉ុស្ដិ៍ឫស្សីកែវស្រាវជ្រាវប្រគល់ជូនជនរងគ្រោះវិញផងដែរ ៕ហាស់ កំសាន្ដ
