ភ្នំពេញ៖ លោកជំទាវ ឧបនាយករដ្ឋមន្ត្រី ម៉ែន សំអន រដ្ឋមន្ដ្រីទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច បានថ្លែងបញ្ជាក់ថា រាជរដ្ឋាភិបាលនៅតែបន្ដគាំទ្ររាល់សកម្មភាពមនុស្សធម៌របស់ក្រុមគ្រូពេទ្យស្ម័គ្រចិត្ដសហភាពសហពន្ធ័យុវជនកម្ពុជា (ស.ស.យ.ក) ខេត្ដស្វាយរៀង។
លោកជំទាវឧបនាយករដ្ឋមន្ដ្រី ម៉ែន សំអន បានថ្លែងបញ្ជាក់ដូចនេះ ក្នុងឱកាសដែលលោកស្រីផ្ដល់កិត្ដិយសអញ្ជើញចូលរួមក្នុងពិធីសំ ណេះសំណាលជាមួយក្រុមគ្រូពេទ្យស័គ្រចិត្ដសហភាពសហព័ន្ធយុវជនកម្ពុជា ខេត្ដស្វាយរៀង នៅរសៀលថ្ងៃទី០៨ ខែមេសា នៅសណ្ឋាគារកាំបូឌីយ៉ាណា។លោកជំទាវឧបនាយករដ្ឋមន្ត្រីបន្តថា «បេសកកម្មរបស់ក្រុមគ្រូពេទ្យស័គ្រចិត្ដនេះ ពិតជាបានផ្ដល់សេវា ចុះពិនិត្យ និង ធ្វើការព្យាបាលជំងឺជូនពលរដ្ឋនៅជនបទ ដោយមិនគិតថ្លៃ និងបានកាត់បន្ថយភាពក្រីក្រ ស្របតាមយុទ្ធសាស្ដ្ររបស់រាជរដ្ឋាភិបាលកម្ពុជា ដែលមានសម្ដេចតេជោ ហ៊ុន សែន ជានាយករដ្ឋមន្ដ្រី»។
តំណាងឲ្យរាជរដ្ឋាភិបាលកម្ពុជា លោកជំទាវ ម៉ែន សំអន
គ្រូពេទ្យស្ម័គ្រចិត្តកម្ពុជា ដែលមានលោក ឌី វិជ្ជា ជាប្រធាន បានចុះពិនិត្យ និង ព្យាបាលជំងឺដោយឥតគិតថ្លៃ ជូនប្រជាពលរដ្ឋទីទាល់ក្រីក្រដោយសប្បុរសធម៌។លោកជំទាវ បានបន្ដថា រាជរដ្ឋាភិបាលកម្ពុជា ក្រោមការដឹកនាំរបស់សម្ដេចតេជោ ហ៊ុន សែន បានដាក់ចេញយុទ្ធសាស្ត្រចតុកោណដំណាក់កាលទី១ ទី២ និងទី៣ ដែលមានលក្ខណៈប្រទាក់ក្រឡាគ្នា លើគ្រប់វិស័យ ដើម្បីកំណើនការងារសមធម៌ និងប្រសិទ្ធភាពនៅកម្ពុជា។ ទន្ទឹមនឹងនោះ ការលើកកម្ពស់ការផ្ដល់សេវាសុខភាពសាធារណៈជូនប្រជាពលរដ្ឋ ជាពិសេសជនក្រីក្រស្ត្រី និងកុមារត្រូវបានកំណត់ក្នុងផែនការយុទ្ធសាស្ត្រសុខាភិបាល២០១៦-២០២០ ជាលទ្ធផលរាជរដ្ឋាភិបាលសម្រេច បាននូវសមិទ្ធិផល ដ៏ធំធេងដូចជាការបញ្ចប់សង្គ្រាមនិងទទួល បានសុខសន្តិភាពពេញលេញ។សូមបញ្ជាក់ថា ថ្មីៗនេះ សកម្មភាពរបស់ក្រុមគ្រូពេទ្យស័គ្រចិត្ដសហភាពសហព័ន្ធយុវជនកម្ពុជា បានចុះពិនិត្យព្យាបាល ជំងឺជូនប្រជា ពលរដ្ឋទីទាល់ក្រ ដោយឥតគិថ្លៃ មានចំនួន ១០៨៣០ គ្រួសារ មកពី៩ ភូមិ ក្នុងស្រុកស្វាយជ្រុំ ខេត្តស្វាយរៀង៕
