ខេត្តតាកែវ ៖ក្នុងនាមជាមន្ត្រីមូលដ្ឋានដែលជាភ្នែកជាច្រមុះរបស់រាជរដ្ឋាភិបាលសម្រាប់ការជួយសង្គ្រោះប្រជាពលរដ្ឋដែលខ្វះខាតទីទាល់ក្រគឺជាចំណុចសំខាន់មួយផ្នែកដែលប្រមុខរាជរដ្ឋាភិបាលយកចិត្តទុក្ខដាក់។
ជាក់ស្តែងនៅព្រឹកថ្ងៃទី១១ ខែមេសា ២០១៦ អំណោយជាអង្កដ៏ថ្លៃថ្លារបស់ឯកឧត្តមបណ្ឌិតហ៊ុន ម៉ាណែត និង ឯកឧត្តមឡាយ វណ្ណ: អភិបាលខេត្តតាកែវ ត្រូវបានលោកមូល វិចិត្រ អភិបាលក្រុងដូនកែវ រួមដំណើរដោយលោក បាន ភារៈ អភិបាលរងក្រុង និងមន្ត្រីសាលាក្រុង បានយកទៅប្រគល់ជូនលោកយាយទីទល់ក្រនិងមានជម្ងឺ ពីរគ្រួសារ រស់នៅភូមិឫស្សី និង ភូមិជ្រោយសំរោង សង្កាត់បារាយណ៍ ក្រុងដូនកែវ ដោយមួយគ្រួសារទទួលបានអង្កមួយការុងស្មើនិង២៥គីឡូក្រាម និងថវិការបស់ក្រុមកាងារសាលាក្រុងចំនួន១១ម៉ឺនរៀលផងដែរ។ លោកអភិបាលក្រុងបានមានប្រសាសន៍សួរសុខទុក្ខនិងសំណេះសំណាលជាមួយពួកគាត់ផងដែរក្នុងនាមជាមន្ត្រីរួមសុខរួមទុក្ខជាមួយពលរដ្ឋក្នុងមូលដ្ឋានផ្ទាល់ ហើយគាត់ក៏បានបន្ថែមទៀតដែរថា អំណោយទាំងអស់នេះត្បិតតែតិចតួចតែវាមានតម្លៃអាចជួយដោះស្រាយសេចក្តីត្រេកឃ្លានបានមួយគ្រាតាមតម្រូវការរបស់ពួកគាត់៕
(វីរៈ)
