មណ្ឌលគិរី៖នៅព្រឹកថ្ងៃទី១២ខែមេសាឆ្នាំ២០១៦នេះនៅក្នុងភូមិអូរអាម ឃំុស្រែខ្ទុម ស្រុកកែវសីមាខេត្តមណ្ឌលគិរី មានរៀបចំពិធីសម្ភោធដាក់ឲ្យប្រើប្រាស់ជាផ្លូវការនូវរមណីយដ្ឋានគង ហ៊ាង ទេពនិម្មិត ក្រោមអធិបតីភាព ឯកឧត្តម ស្វាយ សំអ៊ាង អភិបាល នៃគណៈអភិបាលខេត្ត
មណ្ឌលគិរី។ថ្លែងនៅក្នុងពិធីសម្ភោធនោះដែរ ឯកឧត្តម ស្វាយ សំអ៊ាងអភិបាល នៃគណៈអភិបាលខេត្ត បានមានប្រសាសន៍ កោតសរសើរចំពោះលោក គង ហ៊ាន ដែលជាម្ចាស់រម្មណីយដ្ឋានទេពនិម្មិត ដែលបានសាងសង់ និងរៀបចំនូវរម្មណីយដ្ឋាននេះឡើង ដើម្បីឲ្យភ្ញៀវជាតិ និងអន្តរជាតិបានមកលេងកំសាន្ត នេះជាលើទីមួយហើយ ដែលនៅក្នុងស្រុកកែវសីមា មានរម្មណីយដ្ឋានសម្រាប់កំសាន្ត មិនតែប៉ុណ្ណោះលោកថែមទាំងមានអំណោយចូលរួមក្នុងកម្មវិធីមនុស្សធម៌ផងដែរ និងបានបរិច្ចាកដីសំរាប់សាងសង់មន្ទីពេទ្យចំនួន៥.០០០មែត្រការ៉េ និងដីសំរាប់សាងសង់សាលារៀនចំនួន១៥.០០០ម៉ែត្រការ៉េ។
នៅក្នុងពិធីនេះដែរ ឯកឧត្តម អភិបាលខេត្តមណ្ឌលគិរី បាននាំយកអំណោយមួយចំនួនរបស់សប្បុរសជនក្នុងស្រុក និងអំណោយផ្ទាល់របស់លោក គង ហ៊ាង ម្ចាស់រមណីយដ្ឋានទេពនិម្មិតដែលបានចូលរួម រួមមាន៖ អង្ករ ត្រីខ ទឹកត្រី និងទឹកស៊ីអីវ ចែកជូនដល់បងប្អូនដែលមានជីវភាពក្រលំបាក និងអតីតយុទ្ធជនពិកាចំនួន៩៩នាក់ ក្នុងនោះមានយុវជនពិកា២៨នាក់ផងដែរ៕
ដោយប៊ូស្រា
