ភ្នំពេញៈ រថយន្តហាយឡែនឌ័រមួយគ្រឿងជ្រុលបុករថយន្តកាមរីហាយប្រ៊ិតពីចំហៀងបណ្តាលអោយរងការខូចខាតទាំងសងខាងតែសំណាងមិនមានអ្នករងរបួស ។ហេតុការណ៍នេះបានកើតឡើងកាលពីវេលាម៉ោង៩នឹង៤០នាទីយប់ថ្ងៃទី១៧ខែមេសាឆ្នាំ២០១៦តាមបណ្តោយផ្លូវ១០៦កែងផ្លូវ១៩ស្ថិតនៅក្នុងសង្កាត់វត្តភ្នំខណ្ឌដូនពេញ។តាមសាក្សីដែលឃើញហេតុការណ៍បានអោយដឹងថាមុនពេលកើតហេតុគេបានឃើញស្ត្រីម្នាក់និងកូនតូចៗ៣នាក់ទៀតរួមដំណើរជាមួយបើករថយន្តម៉ាកហាយឡែនឌ័រពណ៌ទឹកប្រាក់ពាក់ស្លាកលេខភ្នំពេញ2AJ4462 ធ្វើដំណើរតាមបណ្តោយផ្លូវ១៩ក្នុងទិសដៅពីត្បូងទៅជើងលុះបើកមកដល់ចំណុចផ្លូវ១០៦ ក៏ជ្រុលទៅបុករថយន្តកាមរីហាយប្រ៊ីតពណ៌សពាក់ស្លាកលេខភ្នំពេញ2T9692បើកបរដោយបុរសម្នាក់និងប្រពន្ធរួមដំណើរជាមួយធ្វើដំណើរតាមបណ្តោយផ្លូវ១០៦ក្នុងទិសដៅពីកើតទៅលិចក្នុងល្បឿនលឿនដូចគ្នាបណ្តាលអោយរថយន្តកាមរីហាយប្រ៊ីតរងការខូចខាតជំហៀងទ្វាខាងឆ្វេងយ៉ាងដំណំតែសំណាងមិនមានអ្នករងរបួស។ក្រោយពេលកើតសមត្ថកិច្ចបានចុះធ្វើការវាសវែងយកទៅរក្សាទុកនៅការិយាល័យចររាចរណ៍ជើងគោករងចាំដោះស្រាយតាមផ្លូវច្បាប់។
