ខេត្តកំពង់ឆ្នាំង៖ ប្តីប្រពន្ធ២នាក់បានរងរបួសធ្ងន់ ខណៈពេលរថយន្តក្រុងមួយគ្រឿងបានគេចរថយន្តមកពីមុខ បុកម៉ូតូពួកគាត់ពីក្រោយក្នុងទិសស្របគ្នាធ្លាក់ប្រឡាយអត់ទឹក ដែលហេតុការណ៍នេះបានកើតឡើង នៅម៉ោង៣និង៤៥នាទីល្ងាចថ្ងៃទី១៩ ខែមេសា ឆ្នាំ២០
១៦ លើផ្លូវជាតិលេខ៥ ស្ថិតនៅក្នុងភូមិត្រពាំងក្រពើ ឃុំទឹកហូត ស្រុករលាប្អៀរ។
សមត្ថកិច្ចនគរបាលស្រុករលាប្អៀរបានអោយដឹងថា៖ ប្តីប្រពន្ធរងគ្រោះទាំង២នាក់
មានឈ្មោះ ផាន់ លាវ អាយុ៤៤ឆ្នាំ ជាប្រពន្ធ ២ឈ្មោះ មាន ម៉ុន អាយុ៥៣ឆ្នាំ ជាប្តី ពួកគា
ត់រស់នៅភូមិព្រៃទា ឃុំឈូក ស ស្រុកកំពង់ត្រឡាច។ 
មុនពេលកើតហេតុជនរងគ្រោះទាំង២នាក់បានជិះម៉ូតូម៉ាកហុងដានិច ពណ៌សក្រ ហម អត់ផ្លាកលេខ បើកបរក្នុងទិសដៅពីត្បូងទៅជើង លុះមកដល់ចំណុចកើតហេតុមានរថយន្តក្រុងមួយគ្រឿងពាក់ផ្លាកលេខ 3C-6738 ពណ៌ក្រហមរបស់ក្រុមហ៊ុនវុឌ្ឍះសុភាព ដឹកអ្នកដំណើរ ពីភ្នំពេញទៅបាត់ដំបងក្នុងទិសដៅស្របគ្នា បានគេចរថយន្តមួយមកពីមុខ ហើយបានបុកម៉ូតូជនរងគ្រោះពីក្រោយពេញទំហឹងតែម្តង បណ្តាលអោយម៉ូតូធ្លាក់ចូល
ក្នុងប្រឡាយអត់ទឹក និងធ្វើអើយជនរងគ្រោះទាំង២នាក់រងរបួសធ្ងន់។
ក្រោយពេលកើតហេតុ អ្នកបើកបររថយន្តបានទុករថយន្តនិងអ្នកធ្វើដំណើរចោល ហើយចុះរត់គេចខ្លួនបាត់។ ចំណែកជនរងគ្រោះត្រូវបានគេដឹកយកទៅសង្គ្រោះនៅក្នុងមន្ទីរពេទ្យបង្អែកខេត្តកំពង់ឆ្នាំង។ ដោយឡែកអ្នកធ្វើដំណើរតាមរថយន្តក្រុង ត្រូវបានរថយន្តក្រុងមួយគ្រឿងទៀត មកដឹកបន្តទៅគោលដៅ។
រថយន្តនិងម៉ូតូជនរងគ្រោះត្រូវបាន សមត្ថកិច្ចយកមករក្សាទុកនៅក្នុងអធិការដ្ឋាន
នគរបាលស្រុករលាប្អៀរ កសាងសំណុំរឿងដោះស្រាយតាមផ្លូវច្បាប់។ ករណីគ្រោះថ្នាក់នេះត្រូវបានសន្និដ្ឋានថា មកពីអ្នកបើកបររថយន្តក្រុងបើកបរជៀសគ្នាក្នុងសណ្ឋានភាព
គ្រោះថ្នាក់ ទើបបង្កគ្រោះថ្នាក់បែបនេះ៕
