ភ្នំពេញ៖ បុរម្នាក់ត្រូវរងរបួសធ្ងន់ធ្ងរសន្លប់ស្តូងស្តឹងនៅនិងកន្លែងកើតហេតុខណៈដែលរួបគេបានជិះម៉ូតូមួយគ្រឿងហើយត្រូវបានប្តីប្រពន្ធមួយគូបើករថយន្តម៉ាកឡិចស៊ីសRX300បុកពេញទំហឹងកាលពីវេលាម៉ោង១និង៤០នាទីរំលងអាធ្រាតឈានចូលថ្ងៃទី២១ខែឧសភាឆ្នាំ២០១៤ តាមបណ្ដោយផ្លូវលេខ១៣០កែងផ្លូវលេខ១៥ ស្ថិតក្នុងសង្កាត់ផ្សារចាស់ ខណ្ឌដូនពេញ។
តាមសាក្សីនៅកន្លែងកើតហេតុបានឲ្យដឹថា មុនពេលកើតហេតុគេបានឃើញបុរសម្នាក់ជិះម៉ូតូមួយគ្រឿងម៉ាកស្មាសពណ៌ ស ពាក់ស្លាកលេខភ្នំពេញ1AP-3122 ធ្វើដំណើរតាមបណ្ដោយផ្លូវលេខលេខ១៣០ក្នុងទិសដៅពីកើតទៅលិចខណៈមកដល់ចំណុចផ្លូវកែងក៏ត្រូវរថយន្តមួយគ្រឿងម៉ាកឡិចស៊ីសRX300 ពណ៌ខ្មៅពាក់ស្លាកលេខភ្នំពេញ2M-3735 បើកបរដោយបុរសម្នាក់រូមដំណើរជាមួយប្រពន្ធ ធ្វើដំណើរតាមបណ្ដោយផ្លុវលេខ១៥ ក្នុងទិសដៅពីត្បូងទៅជើង។
ប្រភពដដែលបន្តថា ខណៈភាគីទាំងពីបើកដល់ចំណុចផ្លូវកែងស្រាប់តែរថយន្តឡិចស៊ីសRX300ជ្រុលបុកចំម៉ូតូស្មាសពេញទំហឹងបណ្ដាលអ្នកបើកម៉ូតូរងរបួសធ្ងន់ហើយរថយន្តបានព្យាយាមបើករត់ទាំងជាប់ម៉ូតូទៅខាងក្រោមបានជាង១០០ម៉ែត្រត្រូវបានប្រជាពលរដ្ឋដែលនៅក្បែរផ្អើលឆោឡោឡើងឃាត់រថយន្តបានភ្លាមៗ។
ក្រោយពេលកើតហតុជនរងគ្រោះត្រូវបានរថយន្តសង្គ្រោះដឹកទៅសង្គ្រោះភ្លាម រីឯម្ចាស់រថយន្តរួមទាំងម៉ូតូសតម្ថកិច្ចបានយកទៅរក្សាទុកនៅការិយាល័យចរាចរណ៍ជើងគោកដើម្បីរងចាំដោះស្រាយពេលក្រោយ៕
