ភ្នំពេញ: រថយន្តម៉ាកព្រូស១គ្រឿង បើកបរដោយបុរសម្នាក់ស្ថិតក្នុងស្ថានភាពស្រវឹងជោគជាំនិងរួមដំណើរជាមួយមិត្តភក្តិស្រវឹងដូចគ្នា បាន បើករ៉េពេញផ្លូវទៅបុករថយន្តម៉ាកហាយប្រ៊ីត បន្តរត់តាមផ្លូវទៅបុកម៉ូតូ រថយន្តខូតខាតបន្តបន្ទាប់ពីខណ្ឌចំការមន រត់រហូតតាមផ្លូវជាតិលេខ៥ ទៅដល់ផ្លូវបេតុងខាងជើងវត្តទួលស្ថិតក្នុងខណ្ឌឬស្សីកែវទើបសមត្ថកិច្ចតាមឃាត់បាន។
ហេតុការណ៍នេះបានកើយឡើងកាលពីវេលាម៉ោង 12 និង 10នាទីយប់រំលងអាធ្រាតឈានចូលថ្ងៃទី 23 ខែមេសា ឆ្នាំ2016នៅចំណុច ខាងត្បូងវិមានឯករាជ្យ ស្ថិតក្នុងសង្កាត់ទន្លេបាសាក់ ខណ្ឌចំការមន ហើយដេញឃាត់បាននៅចំណុចខាងជើងវត្តទួលអស់លោក ខណ្ឌឬស្សីកែវ ។រថយន្តបង្ករម៉ាសព្រូសពណ៍កណ្តុរប្រមេសពាក់ស្លាកលេខភ្នំពេញ2Z- 0962 អ្នកបើកបរមិនទាន់ស្គាល់អត្តសញ្ញាណនោះទេ។
តាមប្រភពពត៍មានពីកន្លែងកើតហេតុបាន ប្រាប់អោយដឹងថានៅមុនពេលកើតហេតុ គេឃើញបុរសដែលបើកបររថយន្តព្រូស បានអង្គុយផឹកស៊ីនៅលើសួនច្បាខាងលិចវិមានឯករាជ្យ បន្ទាប់ពីផឹកស៊ីស្រវឹងជោគមក បុរសរួមជាមួយមិត្តភក្តិបានឡើងបើករថយន្ត បានប្រហែលជាង១០០ ម៉ែត្រ រថយន្តបានរ៉េទៅបុករថយន្តប៉ាឡែន១គ្រឿងពណ៍ស្ករមិនចាំស្លាកលេខ រងការខូតខាត ហើយរថយន្តប៉ាឡែននោះចាកចេញពីកន្លែងកើតេហតុបាត់សូម្បីតែសមត្ថកិច្ចក៏រកមិនឃើញដែរ ចំណែករថយន្តបង្ករបានខូតខាតបាក់កាងនិងហើបគំរប់ម៉ាស៊ីនខាងមុខ បន្ទាប់មករថយន្តបានរត់មកតាមផ្លូវព្រះស៊ីសុវត្ថិ មកដល់មុខក្លឹប ទ្រូហ្វេស បានជ្រុលទៅបុកពីក្រោយរថយន្តតាក់ស៊ីម៉ែត្រពីក្រោយ បាក់កាង និងជ្រុលទៅបុកម៉ូតូស្ត្រី២នាក់របួសជើងស្រាល រួចបានបន្ថែមល្បឿ តាមក្រោមស្ពានជ្រោយតាមផ្លូវជាតិលេខ៥ ហួសបានបន្តិចបានទៅបុកពីក្រោយម៉ូតូវីវ៉ា បុរសយោធាម្នាក់ បណ្តាលអោយបាក់ជើងខាងឆ្វេង ហើយរថយន្តបានបន្ថែមល្បឿតរត់ទាំងរថយន្តបែកធុងទឹក បែកកង់ ខ្ទេចមួយកំណាត់មុខ
រហូតទៅដល់ផ្លូវបេតុងខាងជើងវត្តទួលអស់លោក ភូមិក្រោលគោ សង្កាត់គីឡូត៍មែត្រលេខ៦ ខណ្ឌឬស្សីកែវ ទើបសមត្ថកិច្ចទំនាក់ទំនងគ្នាតាមវិទ្យុទាក់ទងពីខណ្ឌមួយទៅខណ្ឌមួយ ទើបឃាត់បានទាំងមនុស្សនិងរថយន្តតែម្តង ព្រមទាំងរថយន្តកាត់ស៊ីដែកត្រូវរថយន្តបង្ករបុកពីក្រោយ និងស្ត្រីជិះម៉ូតូដែលរបួសជើង ក៏តាមទៅដល់កន្លែងឃាត់បានផងដែរ។
ក្រោយពេលកើតហេតុ ជនរងគ្រោះរងរបួសបាក់ជើងឆ្វេងត្រូវបានរថយន្តក្លីនិកឯកជនដឹកទៅសង្គ្រោះបន្ទាន់ ចំណែករថយន្តបង្ករដែលឃាត់បានត្រូវបានសមត្ថកិច្ចខណ្ឌឬស្សីកែវ ប្រគល់អោយជំនាញចរាចរណ៍ក្រុងមកស្ទួចយកទៅរក្សាទុកនៅការិយាល័យចរាចរណ៍ផ្លូវគោកដើម្បីរងចាំការដោះស្រាយជូនជនរងគ្រោះ។ ជីម ភារ៉ា
