ភ្នំពេញ ៖រថយន្តមួយគ្រឿងដែលមិនចាំម៉ាកបានបើកចេញពីកន្លែងផឹកសុីនៅភោជនីយដ្ឋានតាយតាយហើយបើកបុករនាំងដែកពុះចែកទ្រូងផ្លូវបណ្ដាលឲ្យបាក់អស់៦ផ្ទាំងរងការខូចខាត រួចបើកគេចខ្លួនបាត់ស្រមោល។ ហេតុការណ៍នេះបានកើតឡើងកាលពីវេលាម៉ោង២នឹង២៥នាទីរំលងអាធ្រាតឈានចូលថ្ងៃទី២៥ ខែមេសា ឆ្នាំ២០១៦ នៅចំណុចមុខភិជនីយដ្ឋានតាយតាយ តាមបណ្តោយផ្លូវព្រះមុន្នីវង្ស ស្ថិតក្នុងសង្កាត់បឹងរុាំង ខណ្ឌពេញ។បើតាមប្រភពពត៌មានកន្លែងកើតហេតុបានប្រាប់ឲ្យដឹងថា នៅមុនពេលកើតហេតុគេបានឃើញបុរសម្នាក់ចេញពីផឹកសុីនៅក្នុងភោជនីយដ្ឋានតាយតាយ ដោយទំនងជាស្រវឹងស្រាហើយបានបើករថយន្តមិនចាំម៉ាកមួយគ្រឿង ពេលបើកចេញបានជ្រុលទៅបុករះរនាំងដែកពុះចែកទ្រូងផ្លូវបាក់អស់៦ផ្ទាំង សំណាងល្អមិនមាននណារម្នាក់រងរបួសនោះទេ។
ក្រោយពីកើតហេតុរថយន្តបង្កបានបន្ថែមល្បឿនគេចខ្លួនបាត់ស្រមោលទាំរថយន្តខូចខាតផ្នែកខាងមុខ និងបែកកង់ម្ខាងផងដែរ៕ជីម ភារ៉ា
