កំពង់ចាម៖ជនសង្ស័យ2នាក់រួមនិងវត្ថុតាងថ្នាំញៀនមួយចំនួនត្រូវបានកំលាំងជំនាញការិយាល័យប្រឆាំងការជួញដូរគ្រឿងញៀនខេត្តកំពង់ចាមនិងកំលាំងអធិការនគរបាលស្រុកស្ទឹងត្រង់ធ្វើការឃាត់ខ្លួនដកហូតថ្នាំញៀកាលពីវេលាម៉ោង11និង30នាទី
ថ្ងៃទី24មេសា2016នៅភូមិព្រែកបាក់ឃុំព្រែកបាក់ស្រុកស្ទឹងត្រង់ខេត្តកំពង់ចាម ។
លោកវរសេនីយទោ ប៉ាក ជាតិ អធិការនគរបាលស្រុកស្ទឹងត្រង់បានអោយដឹង
ថានៅព្រឹកថ្ងៃទី24មេសា2016សមត្ថកិច្ចចំរុះខាងលើបានប្រើវិធានការញុះញង់អោយ
ភ្នាក់ងារទាក់ទងទិញថ្នាំញៀនប្រភេទក្រាមពណ៌សពីជនសង្ស័យដោយណាត់ជួប
ប្រគល់-ទទួលនៅចំនុចភូមិព្រៃបាក់ ។ លោកអធិការបន្តថានៅវេលាម៉ោង11និង30នាទីថ្ងៃទី24មេសា2016ជនសង្ស័យចំនួន2នាក់បានយកថ្នាំញៀនមកប្រគល់អោយកំលាំងភ្នាក់ងារ។ពេលនោះសមត្ថកិច្ចក៏ធ្វើការហ៊ុំព័ទ្ធនិងឆែកឆេរលើខ្លួនមានថ្នាំញៀនប្រភេទក្រាមពណ៌សចំនួន8កញ្ចប់ក្នុងនោះ(កញ្ចប់ធំ1និងកញ្ចប់តូច7)។ បន្ទាប់ពីដកហូតគ្រឿងញៀននេះហើយសមត្ថកិច្ចក៏ឃាត់ខ្លួនជនសង្ស័យ2នាក់មានឈ្មោះ៖ 1-ម៉ាន សារី ភេទប្រុសអាយុ29ឆ្នាំ
2-សុំ អីត្រះ ភេទប្រុសអាយុ33ឆ្នាំ អ្នកទាំង2មានទីលំនៅភូមិព្រែកបាក់ឃុំព្រែកបាក់ស្រុកស្ទឹងត្រង់ខេត្តកំពង់ចាម លោកអធិការបញ្ជាក់ថាបន្ទាប់មកសមត្ថកិច្ចបានសុំគោលការណ៏ពីព្រះរាជអជ្ញាអមសាលាដំបូងខេត្តកំពង់ចាមធ្វើការឆែកឆេរលំនៅដ្ឋានរបស់ជនសង្ស័យរកឃើញ
ឧបករណ៏សំរាប់វេចខ្ចប់ថ្នាំញៀនបួយចំនួននិងទូរស័ព្ទដៃចំនួន8គ្រឿង។ ជនសង្ស័យទាំង2នាក់រួមនិងវត្ថុតាងខាងលើត្រូវបានសមត្ថកិច្ចរៀបចំបំពេញសំណុំឯកសារតាមនិតិវិធីត្រៀមបញ្ជូនទៅសាលាដំបូងខេត្តកំពង់ចាមដើម្បីចាត់ការតាមផ្លូវច្បាប់ ៕
