ឧត្តរមានជ័យ៖កាលពីវេលាម៉ោង១៨និង១២នាទី ថ្ងៃទី២៤ ខែមេសា ឆ្នាំ២០១៦ ក្មេងស្រីជំទង់ម្នាក់ឈ្មោះ ឡៃ សួរ ភេទស្រី អាយុ១៤ឆ្នាំ រស់នៅភូមិអូរអង្រែរ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ បានលង់ទឹកស្លាប់ នៅក្នុងទឹកបឹងទំនប់ថ្មី ស្ថិតនៅក្នុងភូមិគោកសំព័រ ឃុំលំ
ទង ស្រុកអន្លង់វែង ខេត្តឧត្តរមានជ័យ។តាមព័ត៍មានពីអ្នកនៅក្នុងហេតុការណ៍បានឲ្យដឹងថា មុនពេលកើតហេតុមានក្មេងជំទង់ប្រុសស្រីមួយក្រុមរួមទាំង ក្មេងស្រីរងគ្រោះផង បាននាំគ្នាទៅរាវខ្យងនៅក្នុងបឹងកើតហេតុខាងលើ លុះរាវបានជាង១ម៉ោងក៏ស្រាប់តែបាត់ក្មេងស្រីរងគ្រោះ ក៏ផ្អើលឆោឡោឡើង អ្នកភូមិនៅទីនោះក៏បាននាំគ្នាចុះរាវរកឃើញ តែអកុសល់ក្មេងរងគ្រោះបានស្លាប់បាត់ទៅហើយ។គួបញ្ជាក់ផងដែរបឹងទំនប់ថ្មីខាងលើបានឆក់យកជីវិតប្រជាពលរដ្ឋជាច្រើននាក់មកហើយ៕
