ឧត្តរមានជ័យ៖កាលពីវេលាម៉ោង៩និង៤៧នាទី ថ្ងៃទី២៤ ខែមេសា ឆ្នាំ២០១៦ មានករណីគ្រោះថ្នាក់ចរាចរណ៍ រវាងរថយន្តបុកនិងម៉ូតូ(ស្របទិសគ្នា)បណ្តាលឲ្យរងរបួសធ្ងន់២នាក់ នៅចំណុចផ្លូវលេខ៥៦ ស្ថិតនៅក្នុងភូមិដូនកែន សង្កាត់សំរោង ក្រុងសំរោង ខេត្តឧត្តរមានជ័យ។សមត្ថកិច្ច
ប៉ូលិសក្រុង បានឲ្យដឹងថា ជនរងគ្រោះដែលត្រូវរថយន្តបុកនោះ ១.ឈ្មោះ សូ វង់ ភេទប្រុស អាយុ៤៩ឆ្នាំ រស់នៅភូមិដូនកែន សង្កាត់សំរោង ក្រុងសំរោង ខេត្តឧត្តរមានជ័យ(ជាអ្នកបើកបរម៉ូតូ របួសបាក់ជើងខាងឆ្វេង ដោយអត់ពាក់មួកសុវត្ថភាព).២.ឈ្មោះ សៀន អឿល ភេទស្រី អាយុ៤៦ឆ្នាំរស់នៅភូមិ សង្កាត់ជាមួយគ្នា(អ្នករួមដំណើរ របួសបែកមុខ បែកមាត់ធ្ងន់ អត់ពាក់មួកសុវត្ថភាព)។សមត្ថកិច្ច បានបន្តឲ្យដឹងទៀតថា អ្នកបើបររថយន្ត ឈ្មោះ ម៉ូត ប្រាក់ផាត ភេទប្រុស អាយុ៦៣ឆ្នាំ រស់នៅភូមិអូរទន្នឹម ឃុំតាសាញ ស្រុកសំឡូត ខេត្តបាត់ដំបង បើករថយន្តម៉ាកនីសសាន់ ពណ៍ស ពាក់ស្លាកលេខ បាត់ដំបង២A៧៦៧៥ បើកពីលិច ទៅកើត(គ្មានរបួស)។សមត្ថកិច្ច ក្រុងសំរោង បានឲ្យដឹងទៀតថា ករណីនេះកម្លាំងជំនាញបានចុះទៅដល់កន្លែងកើតហេតុ ធ្វើការវាស់វែងនិងធ្វើការដកហូតវត្ថុតាងមករក្សាទុកនៅអធិការដ្ឋានរងចាំការដោះស្រាយតាមនិតិវិធីច្បាប់។ចំណែកឯជនរងគ្រោះពីរនាក់ បញ្ជូនទៅសង្គ្រោះនៅមន្ទីរពេទ្យខេត្ត៕
