តាកែវ ÷ មានហេតុការណ៍គួរឲ្យភ្ញាក់ផ្អើលមួយបានកើតឡើងដោយមិនដឹងមូលហេតុពេលដែលបុរសជនជាតិចិនម្នាក់បានបើករថយន្តរបស់ខ្លួនដល់ចំណុចឆ្លងស្ពានមួយកន្លែងក៏បានរេចង្កូតធ្លាក់ផ្លូវតែម្តង។ ហេតុការណ៍នេះកើតឡើងនៅថ្ងៃទី២៦ខែមេសាឆ្នាំ២០១៦ វេលាម៉ោង៤រសៀល នៅត្រង់ចំណុចស្ពានអូរតាសុខ ភូមិព្រៃទទឹង ឃុំសំរោង ស្រុកសំរោង ខេត្តតាកែវ។ រថយន្តដែលជួបនៅគ្រោះថ្នាក់មួយនេះម៉ាក LEXUS RX300 ព័ណ៌ស្ករបើកបរដោយជនជាតិចិនម្នាក់មិនត្រូវបានស្គាល់អត្តសញ្ញាណ បើកបរពីជើងទៅត្បូវពេលបើកដល់ត្រង់ចំស្ពានក៏រេចង្កូតធ្លាក់ពីផ្លូវតែម្តងទៅ។ បើតាមសម្តីនគរបាលចរាចរណ៍ដែលចុះដល់កន្លែងកើតហេតុបានឲ្យដឹងថា គ្រោះថ្នាក់ដ៏ចម្លែកនេះមិនបណ្តាលឲ្យមានមនុស្សរងរបួសឬស្លាប់បាត់បង់ជីវិតទេ វាលែងតែថយន្តត្រូវខូចខាត់យ៉ាងដំណំ។ បច្ចុប្បន្ននេះក្រោយពីសមត្ថកិច្ចនគរបាលចរាចរណ៍ស្រុកចុះត្រួតពិនិត្យដល់កន្លែងកើតហតុរួចរាល់ហើយ និង មិនមានមនុស្សរងរបួសផងក៏ប្រគល់រថយន្តឲ្យម្ចាស់ហៅឡានស្ទូចយកទៅជុសជុលខ្លួនឯងតែម្តងទៅ៕
