ខេត្តសៀមរាប: កំលាំងនគរបាលប្រឆាំងគ្រឿងញៀនខេត្តបានសហការជាមួយកំលាំងអធិការ
ស្រុកសូទ្រនិគម ប៉ូលិសប៉ុស្ត៏សង្កាត់ចុងឃ្នៀសបានបង្ក្រាប និងស្រាវជ្រាវ ឃាត់ខ្លួនជនសង្ស័យ មនុស្ស ចំនួន៣នាក់ហើយក្នុងម្នាក់នោះឃាត់ខ្លួនតាមដីកាបង្កាប់អោយនាំខ្លួន ដែលជាមុខសញ្ញាជួញដូរនូវ សារធាតុថ្នាំញៀន កាលពីរសៀលថ្ងៃទី២៨ ខែមេសា ឆ្នាំ២០១៦ នៅភូមិបន្ទាយស្រីឃុំដំដែកស្រុកសូទ្រនិគមនិងមួយករណីទៀតឃាត់ខ្លួនតាមដីកាបង្កាប់អោយ
នាំខ្លួនស្ថិតនៅចំណុច សង្កាត់ចុងឃ្នៀសក្រុង សៀមរាប នូវថ្ងៃទី២៩ខែមេសាឆ្នាំ២០១៦។
លោកវរះសេនីយ៏ ទោអ៊ុំសាអាតប្រធានការិយាល័យប្រឆាំងគ្រឿងញៀនខេត្ត បានអោយដឹងថា ជនសង្ស័យ ទាំង៣នាក់ដែលឃាត់ខ្លួន គឺ៖ ១-ឈ្មោះ យ៉មណាមកើត១៩៨៨ឆ្នាំ មុខរបររត់ម៉ូតូឌុបឃាត់ខ្លួនម៉ោង២០និង១០នាទី ថ្ងៃទី២៨ខែមេសាឆ្នាំ២០១៦ពីបទជួញដូរ
រស់នៅភូមិបន្ទាយស្រី ឃុំដំដែក ស្រុកសូទ្រនិគម
២-ឈ្មោះ ចាន់ភិរុណភេទប្រុសកើត១៩៨៦ឆ្នាំ មុខរបរជាងជួសជុលទូរស័ព្ទ ឃាត់ខ្លួនម៉ោង២០និង១០នាទី ថ្ងៃទី២៨ខែមេសាឆ្នាំ២០១៦ពីបទជួញដូរ
រស់នៅភូមិបន្ទាយស្រី ឃុំដំដែក ស្រុកសូទ្រនិគម
៣ឈ្មោះខាន់សារឿនភេទប្រុសអាយុ២៥ឆ្នាំរស់នៅភូមិទី៦សង្កាត់ចុងឃ្នៀសក្រុងសៀមរាប
ឃាត់ខ្លួននៅថ្ងៃទី២៩ខែមេសាឆ្នាំ២០១៦តាមដីកាបង្កាប់ពីបទចាត់ចែងអោយប្រើប្រាស់។
អ្នកទាំង៣នាក់ ក្រោយពីការសាកសួរ រួចរាល់ហើយ ត្រូវបានសមត្ថកិច្ចបញ្ជូនទៅកាន់សាលាដំបូងខេត្តនៅរសៀលថ្ងៃទី២៩
ខែមេសាឆ្នាំ២០១៦នេះដើម្បីចាត់ការទៅតាមផ្លូវច្បាប់។ដោយគឿនវេត
