កំពង់ស្ពឺ៖ លោក វ៉ី សំណាង អភិបាលខេត្តកំពង់ស្ពឺ និងគណៈប្រតិភូរបស់ក្រសួងកសិកម្ម រុក្ខប្រមាញ់ និងនេសាទ បានចុះធ្វើការផ្សព្វផ្សាយ និងចាក់វ៉ាក់សាំងការពារជម្ងឺបូសខ្យល់ ដល់សត្វគោ ក្របី នៅថ្ងៃទី២៩ ខែមេសា ឆ្នាំ២០១៦នេះ ស្ថិតក្នុងភូមិព្រៃក្រុង ឃុំព្រៃក្មេង ស្រុកភ្នំស្រួច ខេត្តកំពង់ស្ពឺ។
មន្ត្រីកសិកម្មខេត្តកំពង់ស្ពឺ បានឲ្យដឹងថា ក្រោយទទួលបានព័ត៌មាន នៃការកើតជម្ងឺលើសត្វគោ-ក្របី នៅតំបន់នោះរួចមកលោកអភិបាលខេត្ត និងមន្ត្រីជំនាញរបស់ក្រសួងកសិកម្ម បានចុះទៅកាន់តំបន់នោះ ដើម្បីធ្វើការផ្សព្វផ្សាយ និងនាំចាក់វ៉ាក់សាំងទៅចាក់ដល់គោ-ក្របី របស់អ្នកស្រុកជា ច្រើនក្បាល ដើម្បីជៀសវាងការងាប់ នាំឲ្យបាត់បង់កម្លាំងអូសទាញដ៏សំខាន់ លើការងារកសិកម្ម។
លោកវ៉ី សំណាង អភិបាលខេត្តកំពង់ស្ពឺ បានឲ្យដឹងថាសត្វគោក្របី ជាកំលាំងអូសទាញយ៉ាងសំខាន់ សម្រាបការបង្កបង្កើនផលរបស់បងប្អូនជាកសិករប្រកបការងារកសិកម្ម ដោយសារតែបែបនេះទើបក្រុមការងារបានចុះនិងនាំយកមកនៅថ្នាំវ៉ាក់សាំងការពារជំងឺបូសខ្យល់សត្វពាហនៈរបស់ពួកជាកសិករដែលកំពង់ជួបបញ្ហា ។ នៅថ្ងៃដដែលក្រុមការងារដែលដឹកនាំដោយលោក អភិបាលខេត្តកំពង់ស្ពឺ នាំយកនៅការជីកអណ្តូងទឹកចំនួន ២ជូនដល់បងប្អូនប្រជាពលរដ្ឋក្នុងភូមិ អូរតាពូង ឃុំភក្តី ស្រុកភ្នំស្រួច ខេត្តកំពង់ស្ពឺ ដែលកំពង់ជួបការខ្វៈខាតទឹកប្រើប្រាស់ ។ តបតាមតម្រូវការចាំបាច់របស់ពលរដ្ឋខណៈសីតណ្ហភាពកំដៅមានកើនឡើងទឹកតាមវាលស្រែ បឹងបួរជាច្រើនបានរីងហួត និងស្រមតាមភូមិរបស់របស់បងប្អូនគ្មានប្រភពទឹកក្នុងការប្រើប្រាស់ ហើយអណ្តូងទាំង២អាចជួយសម្រួលដល់ការខ្វៈខាតទឹកបានចំនួន ២ភូមិដែរ ។
ក្រុមការងារបានបន្តដំណើរចុះត្រួតពិនិត្យសំណង់ធរាសាស្ត្រស្ថិតក្នុងតំបន់អូរតាយ៉ាត ក្នុងឃុំភក្តី និងឃុំកាតភ្លុក រួមទាំងទំនប់ទឹកក្នុង ឃុំព្រៈខែ និងទំនប់ធារាសាស្ត្រទ្វារ ស្ថិតឃុំស្វាយរំពេ ដើម្បីឲ្យដឹងថាទំនប់ទាំងនោះអាចស្តុកទឹកទុកសម្រាប់ការប្រប្រាស់របស់ពលរដ្ឋបានចំនួនណា ។គ្រាដែលចុះដល់គោលដៅនិមួយៗលោក វ៉ី សំណាង អភិបាលខេត្តតែងតែបានផ្តាំផ្ញើឲ្យបងបង្អូនត្រូវមានការប្រុងប្រយត្ន័ខ្ពស់នៅមានសញ្ញាព្រមានអំពីការខ្វៈខាតទឹកសម្រាប់ប្រើ ។មិនតែប៉ុណ្ណោះយើងទាំងអស់គ្នានាំគ្នាចូលរួមការពារទីតាំង បឹង ត្រពាំង ប្រឡាយ ដែលជាប្រពន្ធ័ធារាសាស្ត្រនាំទឹកពីតំបន់ផ្សេងមកកាន់តំបន់ដែលមនុស្សរស់នៅច្រើន ៕
