ខេត្តរតនគិរី៖ រម៉ក់ម៉ូតូដឹកទឹកបរិសុទ្ធលក់ចែកចាយក្នុងក្រុងបានលុងបើកបរដោយក្មេងស្ទាវខ្វះការប្រុងប្រយ័ត្នដោយល្បឿនលឿនក្នុងទិសដៅពីកើតទៅលិចខណះមកដល់ចំណុចកើតហេតុស្តិតក្នុងភូមិឡាប៉ូសង្កាត់យក្សឡោមក្រុងបានលុង ចាប់ហ្វ្រាំងមិនទាន់ទៅបុកម៉ូតូមួយគ្រឿងកំពុងធ្វើចរាចរណ៍នៅពីមុខ(ទិសដៅស្របទិសគ្នា)បណ្តាលឲ្យម៉ូតូដួលនឹងស្ត្រីម្នាក់អ៊ុកគូទរងរបួសធ្ងន់ចំខ្នងក្រោកលែងរួច។
តាមប្រភពពីសមត្តកិច្ចប៉ុស្ថ៍សង្កាត់យក្សឡោមបានឲ្យដឹងថា ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៨នឹង៤០នាទីព្រឹកថ្ងៃទី០២ខែឧសភាឆ្នាំ២០១៦ ឃើញរម៉ក់ម៉ូតូបើកបរតាមបណ្តោយផ្លូវជាតិលេខ៧៨ ទិសដៅពីកើតទៅលិចហើយអ្នកបើកបរត្រូវបានគេស្គាល់ឈ្មោះហន ម៉ានី ភេទប្រុសអាយុ១៨ឆ្នាំជនជាតិខ្មែរ មានទីនៅភូមិអូរកន្សែងសង្កាត់បឹងកន្សែងក្រុងបានលុងខេត្តរតនគិរី មានមុខរបរបុគ្គលិកចែកចាយទឹកបរិសុទ្ធឲ្យក្រុមហ៊ុនផលិតទឹកសុទ្ធ(យីហោ)គិរីមានជ័យ។
ប្រភពបានបន្តទៀតថា រម៉ក់ម៉ូតូដឹកទឹកសុទ្ធពេញព្រៀបខណះបើកបរមកដល់ចំណុចកើតហេតុខាងលើជិតដល់ស្នាក់ការត្រួតពិនិត្យរបស់ប៉ូលិសចរាចរណ៍ជើងគោក ចាប់ហ្វ្រាំងមិនទាន់ក៍ទៅបុកពីក្រោយម៉ូតូម៉ាកវ៉េវអាលហ្វា ពណ៍ក្រហមពាក់ស្លាកលេខ យ.៤៨៤១ភព.១ អ្នកបើកបរត្រូវបានគេស្គាល់ឈ្មោះ បៀន សាវុន ភេទប្រុសអាយុ៣១ឆ្នាំជនជាតិគ្រឹង ឌុបប្រពន្ធឈ្មោះពៅ ពើយ អាយុ២៩ឆ្នាំជនជាតិគ្រឹង មានទីលំនៅស្រុកអូរជុំ ខេត្តរតនគិរី រងរបួសធ្ងន់ត្រូវខ្នងត្រូវបានសមត្តកិច្ចបញ្ជូនទៅកាន់មន្ទីពេទ្យបង្អែកខេត្តភ្លាមៗ។ ក្នុងនោះមានឌុបកូនតូច២នាក់ផងដែរ សំណាងល្អពុំមានរបួសស្នាម ប៉ុន្តែម៉ូតូបាក់បែកស្តុបខាងក្រោយខ្ទេចទាំងស្រុង។ក្រោយពេលកើតហេតុ មិនបានរំខានដល់សមត្តកិច្ចនោះឡើយភាគីទាំងសងខាងបានសម្របដម្រួលដោយភាគីម៉ូតូបង្ករបានសង១០០$ ទៅជនរងគ្រោះដើម្បីបញ្ចប់រឿង ។ដោយ យក្ស ឡោម
