ភ្នំពេញៈនារីដ៏ស្រស់ស្អាត់ម្នាក់ដែលទំនងជាស្រវឹងជោកជាំផងនោះបានបើករថយន្តក្នុងល្បឿនយ៉ាងលឿនឡើងឃឿនទ្រូងផ្លូវជ្រុលទៅបុកបង្គោលភ្លើងបណ្តាលអោយកំពិតទាំងបង្គោលភ្លើទាំងរថយន្ត។ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង១១ៈ៥នាទីយប់ថ្ងៃទី៣ខែឧសភាឆ្នាំ២០១៦ស្ថិតតាមបណ្តោយផ្លូវ២១៧ទល់មុខបុរីពិភពថ្មីក្នុងសង្កាត់ដង្កោខណ្ឌដង្កោ។ប្រភពពត៌មានពីកន្លែងកើតហេតុបានអោយដឹងថាៈនៅមុនពេលកើតហេតុគេឃើញរថយន្តម៉ាកម៉នីងមួយគ្រឿងស្លាកលេខភ្នំពេញ2V 0971ពណ៌សបើកបរដោយនារីរូបស្រស់ម្នាក់ក្នុងល្បឿនយ៉ាងលឿនទិសដៅពីត្បូងទៅជើងលុះមកដល់ចំណុចកើតហេតុក៏រេចង្កូតឡើងឃឿនផ្លូវជ្រុលទៅបុកបង្គោលភ្លើងកំពិតទាំងបង្គោលភ្លើងទាំងរថយន្តបើកទៅមុខលែងរួច។
ក្រោយពេលកើតហេតុរថយន្តត្រូបានសមត្ថកិច្ចមូលដ្ឋានសហការជាមួយសមត្ថកិច្ចជំនាញយកទៅរក្សារទុកនៅអធិការដ្ឋាននគរបាលខណ្ឌដង្កោដើម្បីដោះស្រាយពេលក្រោយ៕ដោយៈជីម ភារ៉ា
