ខេត្តកំពង់ឆ្នាំង៖ លោក អ៊ុន សំអុល ប្រធានគណ᧶កម្មាការធិការសាខាកាកបាទក្រហមខេត្តកំពង់ឆ្នាំងនៅព្រឹកថ្ងៃទី០៤ ខែឧសភា ឆ្នាំ២០១៦ បានដឹកនាំក្រុមការងារ យកអំណោយសង្គ្រោះរបស់សាខាកាកបាទក្រហមខេត្ត ចែកជូនប្រជាពលរដ្ឋចំនួន១៩គ្រួសារ បន្ទាប់ពីផ្ទះពួកគាត់បានរងគ្រោះដោយភ្លៀងព្យុះ និងខ្យល់កន្ត្រាក់ កាលពីល្ងាច ថ្ងៃទី០២ ខែ ឧសភា ឆ្នាំ២០១៦ នៅភូមិត្រដោក១៤គ្ឬួសារ ភូមិកោះឬស្សី១គ្រួសារ និងភូមិប្រឡាយមាស៤គ្រួសារ ស្តិតនៅក្នុងឃុំប្រឡាយមាស ស្រុកកំពង់លែង។
លោក ប្រាក់ សោភណ័ ប្រធានប្រតិបត្តិសាខាកាបាទក្រហមខេត្ត បានអោយដឹងថា៖ អំណោយដែលបានចែកជូនប្រជាពលរដ្ឋរងគ្រោះក្នុងពេលនេះ រួមមាន៖ ក្នុង១គ្រួសារៗ ទទួលបានអង្ករ៣០គីឡូ
ត្រីខ១ឡូ មី១កេះ ខីត១ក្នុងនោះមានខោអាវ មុងភួយនិងសារុង ដោយឡែក៤គ្រួសារដែលរងគ្រោះធ្ងន់ធ្ងរផ្ទះរលំបាក់រាបដល់ដី ទទួលបានបន្ថែមនូវតង់១ និងថវិការចំនួន៥ម៉ឺនរៀល។
លោកមេឃុំប្រឡាយមាសបានអោយដឹងថា៖ ភ្លៀងនិង ខ្យល់ព្យុះកន្ត្រាក់ បានកើតហេតុ នៅម៉ោង
ប្រមាណជាង៥ល្ងាច ដោយបានបោកបក់មកលើភូមិចំនួន៣ គឺភូមិត្រដោក ភូមិកោះឬស្សី និងភូមិប្រឡា យមាស ក្នុងរយៈពេលប្រហែលជាងកន្លះម៉ោង ទើបស្ងប់ខ្យល់ទៅវិញ ដោយធ្វើអោយរងការខូចខាតផ្ទះចំនួន១៩ខ្នង គឺរលំបាក់រៀបដល់ដីចំនួន៤ខ្នង និង១៥ខ្នងទៀតរបើកដំបូល និងជញ្ជាំង។ ប្រជាពលរដ្ឋរងគ្រោះទាំងនោះគឺ នៅភូមិត្រដោក បានរលំបាក់រៀបដល់ដី ៣ខ្នង និងរបើកដំបូល ជញ្ជាំង ១១ខ្នង ភូមិកោះឬស្សីរបើកដំបូល ជញ្ជាំង១ខ្នង ចំណែកភូមិប្រឡាយមាស វិញបានរលំបាក់រៀបដល់ដី១ខ្នង និងរបើកដំបូលនិងជញ្ជាំង៣ខ្នង ប៉ុន្តែនៅក្នុងហេតុការណ៍នេះ ប្រជាពលរដ្ឋទាំង២ភូមិពុំមានអ្នកណារងគ្រោះថ្នាក់នោះទេ។
លោក អ៊ុន សំអុល ប្រធានគណៈកម្មាការធិការសាខាកាកបាទក្រហមខេត្តកំពង់ឆ្នាំងបានថ្លែងទៅកាន់ប្រជាពលរដ្ឋជាជនរងគ្រោះថា៖ ដោយមានការគិតគូរយកចិត្តទុកដាក់ពី សម្តេចគតិព្រឹទ្ធបណ្ឌឹត ប៊ុនរ៉ានី ហ៊ុនសែន ប្រធានកាកបានទក្រហមកម្ពុជាដែលជានិច្ចជាកាលតែងចែកអំណោយជូនប្រជាពល រដ្ឋរងគ្រោះគ្រប់ពេលវេលា គ្រប់មូលដ្ឋាន ដោយមិនប្រកាន់និន្នាការនយោបាយអ្វីឡើយ។
នៅក្នុងឱកាសនេះលោក អ៊ុន សំអុល ក៏បានផ្តាំផ្ញើរផងដែរ ដល់ប្រជាពលរដ្ឋយើងទាំងអស់គ្រប់មូលដ្ឋាន សូមមានការប្រុងប្រយត្ន័អោយបានខ្ពស់ គ្រោះថ្នាក់ធម្មជាតិ មានភ្លៀងខ្យល់ព្យុះ និងរន្ទះបាញ់ជាដើម ព្រោះក្នុងរដូវភ្លៀងនេះតែតែងកើតជាញឹកញាប់មកលើមូលដ្ឋាន ដោយយើងមិនអានដឹងមុនបានឡើយ ជាពិសេសត្រូវតែការពារអោយបាននូវអាយុជីវិតកូនចៅ គឺស្រួសមិនស្រួល ត្រូវចុះចេញពីផ្ទះ កុំអោយផ្ទះរលំសង្កត់នាំអោយមានគ្រោះថ្នាក់។ ដោយឡែកអាជ្ញាធរមូលដ្ឋានត្រូវតែជួយសង្គ្រោះជាបន្ទាន់រាល់ហេតុការណ៍ដែលបានកើតឡើង មិនត្រូវទុកអោយប្រជាពលរដ្ឋណាម្នាក់ស្លាប់ដោយមិនបានសង្គ្រោះអោយអស់លទ្ធភាពនោះឡើយ ហើយក៏ត្រូវតែរាយការណ៍ជាបន្ទាន់ភ្លាមផងដែរតាមខ្សែបណ្តោ យរបស់ខ្លួនអោយបានទាន់ពេលវេលាផងដែរ៕ 
