ខេត្តកំពង់ឆ្នាំង៖យុវជនទាំង២នាក់ត្រូបានសមត្ថកិច្ចនគរបាលស្រុកសាមគ្គីមានជ័យ និងខេត្តសហការគ្នាព័ទ្ធចាប់ខ្លួន ក្នុងពេលពួកគេណាត់គ្នា ប្រើប្រាស់ និងចែកចាយគ្រឿងញៀន កិច្ចបង្ក្រាបនេះបានធ្វើឡើងនៅម៉ោង១៥ និង៣០នាទី ថ្ងៃទី០៤ ខែឧសភា ឆ្នាំ២០១៦ នៅចំណុ ចភូមិស្ពានពោធិ ឃុំឃុំសេដ្ឋី ស្រុកសាមគ្គីមានជ័យ ។
សមត្ថកិច្ចបានអោយដឹងថា៖ ជនសង្ស័យទាំង២នាក់នេះម្នាក់ ឈ្មោះ អ៊ូ ហឿន ភេទប្រុស អាយុ៣០ឆ្នាំ និង ម្នាក់ទៀត ឈ្មោះ រឿន ឈុនលី ភេទប្រុស អាយុ ២៦ឆ្នាំមានទីលំនៅជាមួយគ្នា ក្នុងភូមិស្ពានពោធិ ឃុំសេដ្ឋី ស្រុក សាមគ្គីមានជ័យ ខេត្ត កំពង់ឆ្នាំង។ ក្នុងពេលឃាត់ខ្លួនសមត្ថកិច្ចបានរកឃើញថ្នាំញៀន ប្រភេទម៉ាទឹកកកថ្នាំញៀនម៉ាទឹកក២កញ្ចប់ សំភារៈវិចខ្ចប់ និង ឧបករណ៍ជក់មួយចំនួនទៀត ។
សមត្ថកិច្ចបានអោយដឹងទៀតថា៖ជនសង្ស័យគឺជាមុខសញ្ញា ដែលសមត្ថកិច្ចតាមដាន ជាយូរមកហើយ ក្នុងពេលធ្វើសកម្មភាពសមត្ថកិច្ចដែលជាកម្លាំងបង្កប់ បានផ្តល់ព័ត៌មានស្តីពី សកម្មភាពរបស់ជនសង្ស័យ ក្រោយពីទទួលបានព័ត៌មាននេះ ទើបកម្លាំងនគរបាលខេត្ត និង ស្រុកបានចុះព័ទ្ធចាប់បានតែម្តង ។ជនសង្ស័យទាំងពីរនាក់នេះត្រូវបានសមត្ថកិច្ចកសាងសំណុំតាមនីតិវិធី បញ្ជូនទៅកាន់តុលាការខេត្ត ចាត់ការបន្ត ៕
