ខេត្តរតរនគិរី៖ យុវជនម្នាក់ជាសិស្សរៀននៅសាលាវិទ្យាល័យសម្តេចឪសម្តេចម៉ែខណះជិះម៉ូតូឆ្លងកាត់ផ្លូវជាតិលេខ៧៨ត្រង់ចំណុចផ្លូវបំបែកជាបួន(កែងសាលាវិទ្យាល័យ)ស្តិតក្នុងភូមិអូរកន្សែងសង្កាត់បឹងកន្សែងក្រុងបានលុង។ ក៍ត្រូវរថយន្តសាំយ៉ុងបុកយ៉ាងពេញទំហឹងបណ្តាល
ឲ្យយុវជនម្នាក់ផ្លោង៤-៥ម៉ែត្ររងរបួសធ្ងន់។ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១នឹង០៦នាទីរសៀលថ្ងៃទី០៧ខែឧសភាឆ្នាំ២០១៦។តាមសាក្សីនៅកន្លែងកើតហេតុបានឲ្យដឹងថា ឃើញយុវជនម្នាក់ត្រូវបានគេស្គាល់ឈ្មោះ ស៊ន ចាន់ដារ៉ា ភេទប្រុសអាយុ១៧ឆ្នាំជនជាតិខ្មែរ ជាសិស្សសាលារៀននៅវិទ្យាល័យសម្តេចឪសម្តេចម៉ែ រងរបួសធ្ងន់ធ្ងរបែកមុខនឹងបាក់ឆ្មេញ។ជនរងគ្រោះជិះម៉ូតូម៉ាកឌ្រីមសង១២៥សេរីឆ្នាំ២០១០ពណ៍ខ្មៅពាក់ស្លាកលេខភ្នំពេញ១AG.៩០០៩ក្នុងទិសដៅពីជើងទៅត្បូង លុះមកដល់ចំណុចកើតហេតុខាងលើ ក៍ត្រូវរថយន្តសាំយ៉ុងពណ៍ស ពាក់ស្លាកលេខភ្នំពេញ២T.៨៤០០ បើកបរតាមបណ្តោយផ្លូវជាតិលេខ៧៨ក្នុងទិសដៅពីកើតមកលិចដោយល្បឿនលឿនចាប់ហ្វ្រាំងមិនទាន់ក៍បុកទៅលើជនរងគ្រោះតែម្តង។(រថយន្តខូចខាតខាងមុខផ្នែកខាងស្តាំ រីឯម៉ូតូខូចខាតស្ទើរតែទាំងស្រុង)។ក្រោយពេលកើតហេតុអ្នកបើកបររថយន្តបានរត់គេចខ្លនបាត់ស្រមោល ហើយប៉ូលិសចរាចរណ៍ជើងគោកបានចុះមកធ្វើការវាស់វែងដឹកបញ្ជូនជនរងគ្រោះទៅកាន់មន្ទីពេទ្យបង្អែកខេត្តដើម្បីសង្គ្រោះបន្ទាន់។ រថយន្តបង្កនឹងម៉ូតូជនរងគ្រោះសមត្ត
កិច្ចនាំយកទៅរក្សាទុកនៅស្នងការដ្ឋាននគបាលខេត្តរងចាំធ្វើការដោះស្រាយនៅពេលក្រោយ៕ ដោយ យក្ស ឡោម
