ភ្នំពេញ៖ គូស្នេហ៍មួយគួរបានដឹកគ្នាមកពីដើរលេងត្រូវបានជនសង្ស័យមានគ្នា៥នាក់ជិះម៉ូតូ៣គ្រឿងបានធ្វើសកម្មភាពវាយប្លន់យកម៉ូតូម៉ាកលេត កាលពីវេលាម៉ោង២២និង៤៥នាទីយប់ថ្ងៃទី២១ខែឧសភា ឆ្នាំ២០១៤ នៅចំណុចមុខសាខាងពន្ធដា៧មករា តាមបណ្ដោយផ្លូវលេខ២១៤ សង្កាត់បឹងរាំង ខណ្ឌដូនពេញ។ តាមសំដីជនរងគ្រោះឈ្មោះនេត សាម៉ន ភេទប្រុសអាយុ២៤ឆ្នាំ មុខរបជាសិស្ស ស្នាក់នៅផ្ទះលេខ៤៥E3 សង្កាត់ផ្សារដេប៉ូទី៣ ខណ្ឌទួលគោកបានរៀបរាប់ប្រាប់ថាមុនពេលកើតហេតុរូបគេ
នឹងសង្សារបានដឹកគ្នាមកពីដើរលេងក្នុងបំណងទៅញាំអីនៅម្តុំផ្សារសូរិយាពេលមកដល់ចំណុចកើតហេតុ ស្រាប់តែលេចមុខជនសង្ស័យមានគ្នា៦នាក់ជិះម៉ូតូ៣គ្រឿងបានធ្វើសកម្មភាពវាយប្លន់យកម៉ូតូពីជនរងគ្រោះហើយរត់ជិះគេចខ្លួនទៅជើងទៅតាមផ្លូវលេខ៦៣ បាត់ស្រមោលឈឹងតែម្តង។
ក្រោយពេលកើតហេតុជនរងគ្រោះបានស្រែកឆោឡោធ្វើឲ្យផ្អើលដល់សមត្ថកិច្ចចុះមកអន្តរាគមន៍ភ្លាមៗពេលនោះជនរងគ្រោះបានរៀបរាប់ប្រាប់សមត្ថកិច្ច នៅកន្លែងកើតហេតុគេបានរកឃើញវិទ្យុទាក់ទង(ប្រភេទរីវធ)មួយគ្រឿងដែលក្រុមចោរធ្វើឲ្យជ្រុះ
នៅកន្លែងកើតហេតុ បន្ទាប់មកសមត្ថកិច្ចបាននាំខ្លួនជនរងគ្រោះយកទៅដាក់ពាក្យបណ្តឹងនៅទីស្នាក់ការនគរបាលប៉ុស្តិ៍បឹងរាំងដើម្បីកំណតមុខសញ្ញាតាមចាប់ជនសង្ស័យយកមកផ្តន់ទាទោសតាមច្បាប់៕
