ភ្នំពេញ៖ បុរសស្រវឹងម្នាក់ជិះម៉ូតូបោះពួយយ៉ាងលឿន គេចរថយន្តបើកបញ្ច្រាស់ទឹសគ្នាបណ្តាលអោយដួលរងរបួសធ្ងន់ បង្ករអោយមាមការភ្ញាក់ផ្អើលកាលពីវេលម៉ោង ៧.៤០ នាទីយប់ថ្ងៃទី ៩ខែឧសភាឆ្នាំ ២០១៦ តាមបណ្តោយផ្លូវជាតិលេខ៣ស្ថិតក្នុងភូមិ ក្រាំងដូនតី សង្កាត់ចោមចៅ ខណ្ឌពោធិសែនជ័យ ។
ជនរងគ្រោះមិនត្រូវបានស្គាល់អត្តសញ្ញាណទេភេទប្រុសអាយុប្រហែល៣០ឆ្នាំ ជិះម៉ូតូមួយគ្រឿងម៉ាកហុងដាអាយខន ពណ៍ផ្កាឈូកលាយទឹកក្រូច ពាក់ស្លាកលេខ កំពត 1O- 2104 រងរបួសបែកមុខមាត់ សន្លប់នៅហ្នឹងកន្លែង ចំណែករថយន្តបង្ករម៉ាក ហុីយ៉ាន់ដាយ ពណ៍លឿង មិនស្គាល់ស្លាកលេខ បានបើករត់គេចបាត់ស្រមោល ។
តាមសាក្សីនៅកន្លែងកើតហេតុអោយដឹងថា មុនពេលកើតហេតុគេបានឃើញជនរងគ្រោះជិះម៉ូតូតែម្មាក់ឯងក្នុងល្បឿនលឿនទឹសដៅពីត្បូងទៅជើងតាមបណ្តោយផ្លូវជាតិលេខ៣ ពេលមកដល់ចំណុចកើតហេតុរថយន្តបង្ករដែលធ្វើដំណើរបញ្ច្រាស់ទឹសគ្នាបានបត់ស្តាំភ្លាមៗ ធ្វើអោយម៉ូតូជនរងគ្រោះចាប់ហ្វ្រាំងមិនទាន់ដួលរបួសខ្លួនឯងទៅ ។
ក្រោយពេលកើតហេតុជនរងគ្រោះត្រូវរថយន្តរបស់អង្គភាព ៧១១ ដឹកយកទៅព្យាបាលនៅមន្ទីពេទ្យលោកសង្ឃ ឯម៉ូតូត្រូវបងប្អូនជនរងគ្រោះធ្វើការធានាយកទៅផ្ទះវិញ ៕ដោយ៖ជីម ភារ៉ា
