សៀមរាប៖ យ៉ាងហោចណាស់ មនុស្ស៣នាក់ បានស្លាប់ ភ្លាមៗនៅនឹងកន្លែងកើតហេតុ ឯ៥នាក់ផ្សេង ទៀតរងបួសធ្ងន់ធ្ង ក្នុងហេតុការណ៍គ្រោះថ្នាក់ចរាចរ បុកគ្នារវាងរថយន្តធុនត្រា និងរថយន្តសាំងយ៉ុង នៅស្រុកជីក្រែង ខេត្តសៀមរាប ។
សមត្ថកិច្ចនៅកន្លែងកើតហេតុបានឲ្យដឹងថា រថយន្តធុនត្រាពណ៌ខ្មៅពាក់ផ្លាកលេខភ្នំពេញ២តេ៦៣០៧បើកបរមកពីរទិសខាងលិចទៅកើតនិង រថយន្តសាំយ៉ុងពណ៌លឿងពាក់ផ្លាកលេខភ្នំពេញ២អ៊ែ៥៥៩៦បើកបរមកពីរទិសខាងកើតទៅលិចមកដល់ចំណុចកើតហេតុខាងលើ ប្រលះគ្នាចំពីមុខពេញទំហឹង ហេតុការនេះកើតឡើងនៅវេលាម៉ោង១២និង៤នាទី ថ្ងៃត្រង់ នាថ្ងៃទី១០ ខែឧសភា ឆ្នាំ២០១៦ ស្ថិតនៅចំណុចភូមិពោធិសេរី ឃុំកំពង់ក្តី ស្រុកជីក្រែង ខេត្តសៀមរាប លើបណ្តោយផ្លូវជាតិលេខ៦ បណ្តាលឲ្យស្លាប់អ្នកធ្វើដំណើរក្នុងរថយន្តចំនួន៣នាក់ ប្រុស២នាក់ ស្រី០១នាក់ នឹង របួសធ្ងន់ចំនួន៥នាក់បញ្ជូនទៅសង្គ្រោះបន្ទាន់នៅមន្ទីរពេទ្យបង្អែកខេត្តសៀមរាប។
មន្ត្រីនគរបាលបន្តថា ចំណែករថយន្តទាំងពីរគ្រឿងកំលាំងសមត្ថកិច្ចបញ្ជូនទៅរក្សាទុកនៅអធិការដ្ឋាននគបាលស្រុកជីក្រែង ចំណែកសព្វនិងអ្នករបួសក៏នៅមិនទាន់ដឹងឈ្មោះពីទីលំនៅពិតប្រាកដទេ ព្រោះអ្នក០៥នាក់ មានសភាពធ្ងន់ធ្ងពេក ៕
(ដោយ ព្រំ សុខា)
