ភ្នំពេញ ៖ បុរសនារីដែលគូរសង្សារមួយគូរត្រូវបានក្រុមចោរមានគ្នា៤នាក់ជិះម៉ូតូ២គ្រឿងបានធ្វើ សកម្មភាពស្ទាក់វាយប្លន់យកម៉ូតូមួយគ្រឿងម៉ាក ស៊ុយហ្ស៊ូគីឡែត បានសម្រេចរួចជិះគេចខ្លួនដោយសុវត្តិភាពភ្លាមៗកាលពីវេលាម៉ោង១០និង៤៥នាទី យប់នៅចំណុចក្បែរខារ៉ាអូខេX2
ស្ថិតតាមបណ្តោយផ្លូវលេខ ២១៤ នៅក្នុងសង្កាត់បឹងរាំង ខណ្ឌដូនពេញ។
តាមប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេបានឃើញសង្សារមួយគូរបានជិះម៉ូតូម៉ាក ស៊ុយហ្ស៊ូគីឡែត ពណ៌ស-ក្រហម មិនទាន់មានស្លាកលេខ ជិះធ្វើដំណើរតាមបណ្ដោយផ្លូវ២១៤ ក្នុងទិសដៅពីកើតទៅលិច ខណៈមកដល់ចំណុចកើតហេតុស្រាប់តែមានជនសង្ស័យ៤នាក់ជិះម៉ូតូ២គ្រឿងមិនចាំម៉ាក បានឈប់ពីមុខស្ទាក់ម៉ូតូជនរងគ្រោះហើយទាញ អាយកូម វាយទៅលើជនរងគ្រោះហើយធ្លាក់អាយកូមទៅលើដី នៅនិងកន្លែងកើតហេតុ ហើយបានស្រែកគំរាមបាញ់ៗ ធ្វើអោយជនរងគ្រោះភិតភ័យ រួចជនសង្ស័យក៏នាំគ្នាជិះម៉ូតូគេចខ្លួនដោយសុវត្តិភាព ។
បើតាមសម្ដីបុរសជាជនរងគ្រោះឈ្មោះ នេត សាម៉ន អាយុ២៤ឆ្នាំមុខរបរជានិស្សិត ស្នាក់នៅផ្ទះលេខ 35E3 សង្កាត់ផ្សារដេប៉ូ៣ ខណ្ឌទួលគោក បានអោយដឹងថា នៅមុនពេលកើតហេតុរូបគេបានជិះម៉ូតូចេញពីផ្ទះ ទៅទទួលមិត្តស្រីនៅម្ដុំផ្សារកណ្ដាលយកទៅកន្លែងធ្វើការ ខណៈជិះមកដល់ចំណុចកើតហេតុស្រាប់មានសង្ស័យជិះម៉ូតូ២គ្រឿងបានធ្វើសកម្មភាពស្ទាក់ប្លន់យកម៉ូតូរបស់គេជិះចេញទៅ ដោយឃើញជនសង្ស័យគ្មានអាវុធជនរងគ្រោះក៏ព្យាយាមរត់ដេញតាមតែម្ដងទាន់។
ក្រោយពេលកើតហេតុសមត្ថកិច្ចបាននាំជនរងគ្រោះទៅដាក់ពាក្យបណ្តឹងនៅអធិការដ្ឋាននគរបាលប៉ុស្ដិ៍ ខណ្ឌដូនពេញដើម្បីកំណត់មុខសញ្ញាជនសង្ស័យ៕
