កំពង់ស្ពឺ ៖ លោកយាយពិការជើងម្នាក់បានស្លាប់បាត់បង់ក្នុងភ្លក់ភ្លើង ដោយរន្ទះបាញ់ចំផ្ទះរបស់គាត់បណ្តាលឱ្យឆេះខ្ទេចគ្មានសល់ ។ ហេតុការណ៍រន្ទះបាញ់នេះ កើតមានឡើង កាលពីវេលាម៉ោង ១៦ និង ៤០នាទីល្ងាចថ្ងៃទី១១ ខែឧសភា ឆ្នាំ២០១៦ ស្ថិតក្នុងភូមិឬស្សី ឃុំ ជាំសង្កែ ស្រុកភ្នំស្រួច ខេត្តកំពង់ស្ពឺ ។ លោកវរ:សេនីយ៍ទោសាយ ប៊ុនថន អធិការនគរបាលស្រុកភ្នំស្រួចបានប្រាប់ថា កាលពីល្ងាចមានភ្លៀងធ្លាក់មួយធំលាយខ្យល់កន្ត្រាក់ និងរន្ទះបាញ់ទៅលើឈ្មោះ មែង ឡុង អាយុ 69 ឆ្នាំ ភេទ ស្រី នៅភូមិ ព្រៃឫស្សី ឃុំ ជាំសង្កែ ស្រុក ភ្នំស្រួច បណ្តាលអោយស្លាប់ និង ឆេះផ្ទះអស់1ខ្នង ទំហ៊ំ4ម៉ែត×5ម៉ែត ធ្វើអំពីឈើ ប្រក់សង្ក័សី ជញ្ជាំងបាំងស្បូវ ។ លោកបន្តថា ពេលកំពង់ភ្លៀងធ្លាក់មានផ្លេកបន្ទោលនោះជនរងគ្រោះបាននៅក្នុងផ្ទះស្រាប់មានករណីរន្ទះបានបាញ់ចំផ្ទះរបស់គាត់បណ្តាលឱ្យយ៉ាងសន្ធោរសន្ធៅស្លាប់ក្នុងភ្នក់ភ្លើងតែម្តង ។ បច្ចុប្បន្នសាកសពត្រូវបានក្រុមគ្រួសាររៀបចំធ្វើបុណ្យតាមប្រព្ៃណី
