(ភ្នំពេញ)៖ជនញៀនថ្នាំ២នាក់ ត្រូវបានកម្លាំងនគរបាលប៉ុស្ដិ៍ និងខណ្ឌជ្រោយចង្វារឃាត់ខ្លួនភ្លាមៗបន្ទាប់ពីមានការសង្ស័យឆែកឆេររកឃើញគ្រឿងញៀន២កញ្ចប់ខណៈជនសង្ស័យរូបនេះបានរក្សាទុកធ្វើសកម្មភាពប្រើប្រាស់ជាមួយគ្នារួមទាំងដកហូតម៉ូតូ១គ្រឿងនៅវេលាម៉ោង១០៖០០នាទីព្រឹក ថ្ងៃទី ១២ ខែ ឧសភា ឆ្នាំ ២០១៦ នៅត្រង់ចំណុចទល់មុខវត្ត គៀនឃ្លាំង តាមបណ្ដោយផ្លូវជាតិលេខ៦A ស្ថិតក្នុងភូមិ គៀនឃ្លាំង សង្កាត់ជ្រោយចង្វារ ខណ្ឌជ្រោយចង្វារ ។មន្ត្រីនគរបាលខណ្ឌជ្រោយចង្វារបានប្រាប់ថា ជនត្រូវឃាត់ ខ្លួនពាក់ព័ន្ធបទល្មើសប្រើប្រាស់គ្រឿងញៀនទី១ឈ្មោះលឹម ចាន់សុភា ភេទប្រុស ទី២ឈ្មោះចាន់ សុផា ភេទប្រុសនិង ជាអនិតិជន ជនសង្ស័យទាំងពីរនាក់មានស្រុកកំណើតនិង ស្នាក់នៅ ភូមិល្វា សង្កាត់កោះដាច់ ខណ្ឌឫស្សីកែវ រាជធានីភ្នំ ពេញ ។មន្ត្រីនគរបាលខណ្ឌជ្រោយចង្វារបានប្រាប់ទៀតថា ដោយ អនុវត្តន៍ភារកិច្ចតាមបទបញ្ជារបស់លោកវរសេនីយ៍ឯក សៀម សុត្ថាវុធ អធិការនគរបាលខណ្ឌជ្រោយចង្វារ កម្លាំង នៃអធិការដ្ឋាននគរបាលខណ្ឌរួមសហការនិងកម្លាំងនគរបាលប៉ុស្ដិ៍បានធ្វើការយាមកាមល្បាតក្នុងភូមិសាស្ត្ររបស់ខ្លួនជាពិសេសតាមបណ្ដោយផ្លូវជាតិលេខ៦Aក៍បានប្រទះឃើញជនត្រូវជាប់សង្ស័យទាំងពីរនាក់ជិះបើកម៉ូតូ១គ្រឿងដោយមានការសង្ស័យក៍ឃាត់និងឆែកឆេរបានរកឃើញថ្នាំញៀនជាប្រភេទម៉ាទឹកកកចំនួន២កញ្ចប់ដែលជនត្រូវសង្ស័យបានរក្សាទុកធ្វើសកម្មភាពជក់ជាមួយគ្នា ។ ជាមួយគ្នានោះកម្លាំងមូលដ្ឋានបានដកហូតម៉ូតូ១គ្រឿងផងដែរដែលជាមធ្យោបាយធ្វើដំណើររបស់ជនសង្ស័យទាំងពីរនាក់ ។
មន្ត្រីនគរបាលខណ្ឌជ្រោយចង្វារបានបន្តថា បច្ចុប្បន្ន ជនត្រូវសង្ស័យទាំងពីរនាក់រួមជាមួយវត្ថុតាងត្រូវបានបញ្ជូនទៅឃុំខ្លួនសាកសួរនៅអធិការដ្ឋាននគរបាលខណ្ឌជ្រោយចង្វារដើម្បីចាត់ការតាមនិតិវិធីច្បាប់ ៕ហាស់ កំសាន្ដ
