សៀមរាប៖ នៅភូមិស្ពានក្មេង ឃុំតាសៀម ស្រុកស្វាយលើ ខេត្តសៀមរាប ឈ្មោះយ៉ាន សេត ហៅឡែម កំពុងធ្វើសកម្មភាពយ៉ាងគគ្រឹកគក្រេងលក់ដីព្រៃមួយចំនួនឲ្យទៅឈ្មួញកណ្តាលរាប់សិបហិចតា ។ មិនត្រឹមតែប៉ុណ្ណោះយ៉ាន់ សេតហៅឡែមបានប្រើអំណាចរឹបអូស
យកដីពីប្រជាពលរដ្ឋមួយចំនួនធ្វើជាកម្មសិទ្ធរបស់ខ្លួនទៀតផង ។ តាមប្រភពពត៌មានពីប្រជាពលរដ្ឋនៅក្នុងភូមិឃុំខាងលើបានប្រាប់ពត៌មានខេមរាឲ្យបានដឹងថា បើអាជ្ញាធរពុំមានវេធានការទប់ស្កាត់មេឈ្មួញយ៉ាន សេតហៅឡែម នឹង ក្រុមបក្សពួកមួយចំនួននេះទេ ដីព្រៃមួយចំនួននៅភូមិស្ពានកេ្មងត្រូវបានខ្ទេចខ្ទីដោយសារស្នារដៃរជនទុច្ចរិត្តដែលមានឈ្មោះខាងលើនេះជាក់ជាមិនខាន ។
. នៅថ្ងៃទី២១ខែឧសភាឆ្នាំ២០១៤វេលាម៉ោង១២ថ្ងៃត្រង់ លោកសៀក ស៊ាំមេភូមិស្ពានក្មេងបានប្រាប់ពត៌មានខេមរាថាលោកមិនហ៊ានដោះស្រាយបញ្ហាដីព្រៃនេះទេ ពីព្រោះរូបលោកជាមេភូមិបណ្តោះអាសន្ត តំបន់នេះកន្លងមកលោកជាសំ អាតជាអ្នកគ្រប់គ្រងក្តោបក្តាប់ ទាំងការទិញ ទាំងការលក់ដីព្រៃក្នុងតំបន់នេះ ។ ប្រជាពលរដ្ឋនៅក្នុងភូមិឃុំខាងលើជាច្រើនបានរអ៊ូ រទាំថាលោកជាសំអាតជាបងធំដុះស្លែរមុនគេយកដីព្រៃ និង កាប់ទន្ទ្រានធនធានធម្មជាតិជាយូរមកហើយ តែពុំមានសមត្ថកិច្ចឬអាជ្ញាធរខាងណាមកធ្វើការហាមឃាត់ឡើយ ព្រោះតំបន់នេះជាតំបន់ព្រុំប្រទល់រវាងខេត្តសៀមរាប និង ខេត្តព្រះវិហ៊ារ ៕
. នៅវេលាម៉ោង០៨.៣០នាទីព្រឹកថ្ងៃទី២១ខែឧសភាឆ្នាំ២០១៤ ឈ្មោះ យ៉ាន សេតហៅឡែមនិងបងធំរបស់គេឈ្មោះហ៊នបានប្រើពាក្សថា៖ ឲ្យអាសារពត៌មានវាថតធ្វើអី? នេះនៅក្នុងព្រៃណា ? ប្រយ័ត្ន ។ ទាក់ទងបញ្ហាខាងលើនេះអ្នកសារពត៌មានយើងបានសុំសំភៀសតាមទូរស័ព្ទជាមួយលោកប៉ែន ឡាមមេឃុំស្រយ៉ង់ ស្រុកគួលេន ខេត្តព្រះវិហ៊ារ លោកឆ្លើយបដិសេដ្ឋថា លោកពុំទទួលស្គាល់ឈ្មោះជា សំអាតជាមេភូមិក្មេងទេ លោកជា សំអាតគាត់តែងតាំងខ្លួនឯងទេ ។ លោកមេឃុំបន្តទៀតថា ឈ្មោះជា សំអាតអាជ្ញាធរខាងព្រះវិហ៊ារកំពុងស្រាវជ្រាវតាមចាប់ខ្លួនយកមកឲ្យទទួលទោសតាមផ្លូវច្បាប់ដែលខ្លួនបានប្រព្រិត្ត ។
. លោកប៉ែន ជីងអភិបាលរងស្រុកគូលេន ខេត្តព្រះវិហ៊ារបានឲ្យដឹងថា លោកក៏មិនទទួលស្គាល់ឈ្មោះជា សំអាត និង ក្រុមបក្សពួករបស់គេទេ ការកាប់ទន្ទ្រានដីព្រៃលក់នោះ មេព្រៃគេចុះទៅហាមឃាត់នឹងប្រមោលបានឯកសារមួយចំនួនហើយ ចំពោះឯកសារនោះបញ្ជាក់ដោយឈ្មោះជា សំអាតចុះលេខ០១.ស.ក.ថ.០៩ ចុះថ្ងៃទី០៣ខែកាក្តាឆ្នាំ២០០៩ ប្រធានរៀបចំភូមិ សំអាតកក់កន្ថង់ ។ ឥឡូវនេះឈ្មោះជា សំអាតកំពុងតែងតាំងលោកយ៉ានសេតហៅឡែមមេឈ្មួញដុះស្លែរលក់ដីព្រៃមកគ្រប់គ្រងវិញ ទុកគេនៅពីក្រោយខ្នង ។ តាមប្រភពពត៌មានពីលោកញឺក រ៉ែមមេឃុំតាសៀម ស្រុកស្វាយលើ ខេត្តសៀមរាបបានឲ្យដឹងថា ឃុំតាសៀមទទួលស្គាល់តែលោកសៀក ស៊ាំតែប៉ុណ្ណោះ ចំពោះឈ្មោះជាសំអាតវិញឃុំតាសៀមមិនបានទទួលស្គាល់ជាមេភូមិក្មេងឡើយ ។ លោកស៊ិ ប៊ុនស៊ិនអភិបាលស្រុកស្វាយលើខេត្តសៀមរាបបានឆ្លើយសេដ្ឋថា ចំពោះឈ្មោះជាសំអាត ស្រុកស្វាយលើមិនទទួលស្គាល់ទេ ទុកឲ្យស្រុកគូលេនខេត្តព្រះវិហ៊ារជាអ្នកដោះស្វាយ ពីព្រោះចំណុចដីនោះនៅខាងខេត្តព្រះវិហ៊ារច្រើនជាង ។
. បទល្មើសកាប់ទន្ទ្រានព្រៃឈើយកដីលក់ពីសំណាក់អ្នកមានអំណាចនៅខាងលើនេះតើអាជ្ញាធរខេត្តសៀមរាបនិងខេត្តព្រះវិហ៊ារមានវិធានការយ៉ាងដូចម្តេចចំពោះជនទុច្ចរិត្តខាងលើ៕
