មណ្ឌលគិរីៈបទល្មើសដឹកជញ្ជូនឈើខុសច្បាប់នៅតែកើតមានដដែលទោះបីមានការបង្កេើតគណៈកម្មចំរុះដើម្បីទប់ស្កាត់បទល្មើសព្រៃឈើ ដោយអជ្ញាធរស្រុកកែវសីមា ប៉ុន្តែបទល្មើសនៃការដឹកជញ្ជូនឈើខុសច្បាប់នេះនៅតែឆ្លងកាត់ស្នាក់ការអភិរក្សជីវះចំរុះសីមានិងឆ្លងកាត់
គណ:កម្មការចំរុះបានយ៉ាងរលូន ពុំទាន់មានសេចក្តីរាយការណ៍ណាមួយបញ្ជាក់ថាបទល្មើសឆ្លងកាត់រួចចំណុចខាងលើនោះត្រូវសូក ប៉ាន់លុយកាក់ឬយ៉ាងណានោះឡើយ។
បើតាមប្រភពព័ត៌មានចេញពីមហាជននានានៅតំបន់នោះបានរាយការណ៍មកថាសព្វថ្ងៃនេះបទល្មើសការដឹកជញ្ជូនឈើប្រណីតគឺត្រូវបានគេដឹកជញ្ជូនចេញពីតំបន់ស្នូលព្រៃអភិរក្សជីវះចំរុះសីមាស្រុកកែវសីមានិងស្រុកអូររាំង ដូចជា កាប់រំលំនៅចំណុច ភូមិ ហ្គាទី យីវ អណ្តូងក្រឡឹង គេដឹកជញ្ជូនឆ្លងកាត់មុខស្នាក់ការអភិរក្សជីវះចំរុះស្រុកអូររាំងស្នាក់ការចំណុច១៦៤(ហៅ៦៤)អធិការស្រុកកែវសីមា ស្នាក់ការអភិរក្សជីវះចំរុះសីមាWCFឆ្លងកាត់មុខគណៈកម្មការចំរុះដែលបង្កើតដោយលោកអភិបាលស្រុកដ៏តឹងរឹង ប៉ុន្តែបទល្មើសដឹកជញ្ជូន ឆ្លងផុតពីមន្ត្រីបំរើការនៅស្នាក់ការខាងលើបានយ៉ាងរលូនបែបនេះត្រូវបានគេសង្ស័យថាឈ្មួញនិងមន្ត្រីខិលខូចអាចត្រូវដងត្រូវផ្លែ គ្នាហើយមើលទៅ។ម្យ៉ាងវិញទៀតបើគេនិយាយពីសមត្ថកិច្ចវិញគឺនៅចតរថយន្តត្រៀបត្រាពេញដងផ្លូវជាតិលេខ៧៦រងចាំទទួលផលប្រយោជន៍ពីបទល្មើសពិសេសអង្គភាពប៉ូលប្រឆាំងបទល្មើសសេដ្ឋកិច្ចក្រសួងមហាផ្ទៃនឹងសមត្ថកិច្ចផ្សេងៗទៀតចតរថយន្តចាំប្រដេញចំពោះរថយន្តដឹកលើមិនបានប្រាប់ឬបង់លុយអោយ ។
ពលរដ្ឋរស់នៅក្នុងស្រុកកែវសីមាព្រួយបារម្មណ៍ចំពោះសុវត្តិភាពផ្ទាល់ខ្លួនក្នុងការដើរហើជាខ្លាំង ដោយសារក្រុមឈ្មួញរកស៊ីឈើប្រណិត
បើកបរក្នុងល្បឿនលឿនដែលបង្ករគ្រោះថ្នាក់ចរាចរណ៍ធ្ងន់ធ្ងរជារឿយៗ ជាក់ស្ដែងកាលពីថ្ងៃទី20ខែឧសភាឆ្នាំ2014កើតមានករណីគ្រោះថ្នាក់
ចរាចរណ៍ដ៏រន្ធតមួយដោយរថយន្តដឹកឈើប្រណិតរតគេចពីការប្រមាញ់របស់សមត្ថកិច្ចមកបុកពេញទំហឹងជាមួយរថយន្តដឹកជ្រូកបង្ដារអោយមនុស្សម្នាក់ស្លាប់ភ្លាមៗនឹងកន្លែង នឹងរង់របួសធ្ងន់ដង្ហើមចង្រឹក2នាក់មិនទាន់ដឹងថាវាសនាពួកគេយ៉ាងណានៅឡើយ៕
