ឧត្តរមានជ័យ៖.រថយន្តសើុបដឹកគ្រឿងសឹង្ហារឹម១គ្រឿងពាក់ស្លាកលេខ ភ្នំពេញ២F-៧៤២៥ ពណ៍ខ្មៅ ក្រឡាប់បះជើងឡើងលើ នឹងអ្នកជិះក្នុងរថយន្ត៤នាក់រួមទាំងអ្នកបើកបររងរបួសស្រាល បណ្តាលមកពីរថយន្តសាំយ៉ុងដឹកផ្លែម្ទេសពេញ១គ្រឿងពណ៍សំបកឱឡឹក ជិះគ្នា២នាក់បុកពេញទំហឹង ហើយរថយន្តសាំយ៉ុងខូចខាតផ្នែកខាងមុខនឹងជ្រុលធ្លាក់ប្រឡាយទឹក ចំណែកអ្នកជិះក្នុងរថយន្ត បានចុះរត់គេចខ្លួនបាត់។ហេតុការណ៍នេះ បានកើតឡើងនៅ វេលាម៉ោង១០និង៣០នាទី ថ្ងៃទី១២ ខែឧសភា ឆ្នាំ២០១៦ នៅចំណុចកែងទឹកអំពៅត្រង់ផ្លូវបំបែកជា៤ ស្ថិតនៅក្នុងភូមិស្លែងព័រ ឃុំអន្លង់វែង ស្រុកអន្លង់វែង ខេត្តឧត្តរមានជ័យ។តាមអ្នកឃើញហេតុការណ៍ នៅកន្លែងកើតហេតុបានអោយដឹងថា មុនពេលកើតហេតុគេឃើញរថយន្តសុើបដឹកគ្រឿងស័ង្ហារឹមមានទិសដៅពីលិចមកកើត លុះដល់កន្លែងកើតហេតុស្រាបតែមានរថយន្តសាំយ៉ុងបានបើកយ៉ាងលឿនបញ្ច្រាស់ទិសគ្នាហើយបានវ៉េចង្កូតទៅខាងស្តាំរបស់រថយន្តសុើប ក៏បានបុកពេញទំហឹងតែម្តង។ពេលនេះរថយន្តទាំង២ត្រូវបានកម្លាំងអធិការនគរបាលស្រុកអន្លង់វែងយកទៅរក្សាទុក រងចាំដោះស្រាយជាក្រោយ៕
