ឧត្តរមានជ័យ៖ កាលពីវេលាម៉ោង៦និង៣០នាទីព្រឹក ថ្ងៃទី១២ ខែឧសភា ឆ្នាំ២០១៦ នៅក្នុងភូមិគោកសំព័រ ឃុំលំទង ស្រុកអន្លង់វែង ខេត្តឧត្តរមានជ័យ។សមត្ថកិច្ច បានឲ្យដឹងថា ជនរងគ្រោះមាន ឈ្មោះ ទ្រា សុខា ភេទប្រុស អាយុ២៦ឆ្នាំ មុខរបរធ្វើស្រែរ រស់នៅភូមិឃុំកើតហេតុខាងលើ។បើតាមអ្នកឃើញហេតុការណ៍បានអោយដឹងថា មុនពេលកើតហេតុ ត្រាក់ទ័រខាងលើត្រូវបានជនរងគ្រោះ បើកបរលឿនក្នុងស្ថានភាពផ្លូវសំបូរដោយក្រឡុកធំៗ។លុះដល់កន្លែងកើតហេតុស្រាប់តែ ត្រាក់ទ័រខាងលើបានធ្លាក់ក្រឡុកធំមួយ ហើយឡើងមកវិញក៏បានរ៉េចង្កូតហើយផ្លាតធ្លាក់ពីលើផ្លូវ បណ្តាលឲ្យក្រឡាប់ផ្ងាជើងជិតធ្លាក់ប្រឡាយ ចំង៉ាយពីផ្លូវប្រហែល៥០០ម៉ែត្រ។សមត្ថកិច្ចបានបន្តទៀតថា បច្ចុប្បន្នសពជនរងគ្រោះត្រូវបានក្រុមគ្រួសារយកទៅធ្វើបុណ្យតាមប្រពៃណី៕
