ក្រុងសេអ៊ូលៈ ក្រុមមន្ត្រីជាន់ខ្ពស់កូរ៉េខាងជើងជាច្រើននាក់ បានធ្វើការសុំទោសជាសាធារណៈសម្រាប់គ្រោះថ្នាក់នៅឯការដ្ឋានសំណង់ផ្ទះល្វែង ដែលនេះជាការ ទទួលស្គាល់កំហុសដ៏កម្រមួយ របស់រដ្ឋប្រកាន់តឹងនិងអាថ៌កំបាំងមួយនេះ បន្ទាប់ពីមានមនុស្សស្លាប់ និងរបួសដ៏ច្រើន មកនោះ
។ នេះបើតាមវេបសាយបរទេសជាច្រើន (agency KCNA)ផ្សាយកាលពីថ្ងៃអង្គារ។
ក្រុមមន្ត្រីកូរ៉េ ខាងត្បូង បាននិយាយថា គ្រោះថ្នាក់នោះពាក់ព័ន្ធ នឹងការបាក់រលំអគារផ្ទះល្វែងកម្ពស់២៣ជាន់មួយ នៅក្នុងខណ្ឌ Pyongchon នៃក្រុងព្យុងយ៉ាង ដែលមានជិត១០០គ្រួសារ នៅក្នុងលំនៅឋាននោះ។ អគារខាងលើសាងសង់ ដោយ រដ្ឋាភិបាលក្រុង ព្យុងយ៉ាង ត្រូវបានរៀបចំឡើង សម្រាប់ប្រជាពលរដ្ឋ ដែលគ្មានទីជំរក ម្យ៉ាងវិញ អគារខាងលើ មិនទាន់ សាងសង់រួចរាល់ តែប្រជាពលរដ្ឋបែរជានាំគ្នាទៅចាប់ទីកន្លែងជាកម្មសិទ្ធិ មុនពេលកំណត់ ទៅវិញបណ្តាលឲ្យមានហេតុការណ៍ដ៏អាក្រក់មិនធ្លាប់មានកើតឡើងបែបនេះ។
បើតាមសារព័ត៌មាន ក្នុងស្រុករបស់កូរ៉េខាងជើង នៅថ្ងៃចន្ទ ទី១៩ ខែឧសភា ឆ្នាំ២០១៤ នេះបាន រាយការណ៍ថា អគារស្នាក់នៅ កម្ពស់ ២៣ជាន់ ដែលមានប្រជាជន ស្នាក់នៅប្រមាណ ៩២គ្រួសារ បានបាក់រលំ នៅក្នុងទីក្រុង ព្យុងយ៉ាង របស់កូរ៉េខាងជើង ដែលអាជ្ញាធរ អះអាងថា មានមនុស្ស ជាស្លាប់ជាច្រើនរយនាក់ ព្រោះ ភាគច្រើន ក្នុងមួយគ្រួសាររបស់ ប្រជាពលរដ្ឋ កូរ៉េខាងជើង មានសមាជិក ៤ នាក់។
ទីភ្នាក់ងារ KCNA បានឲ្យដឹងថា គ្រោះថ្នាក់នោះឆ្លុះបញ្ចាំងពីការគ្រប់គ្រងគ្មានការទទួលខុសត្រូវរបស់ក្រុម មន្ត្រីទទួលបន្ទុកសំណង់។ទោះបីជាយ៉ាងណា ប្រតិបត្តិការល្អិតល្អន់មួយ ត្រូវបានបង្កើនដើម្បីសង្គ្រោះអ្នកនៅមានជីវិត និងព្យាបាលអ្នករបួស។ ប៉ុន្តែទីភ្នាក់ងារនេះ មិនបានផ្តល់តួលេខសម្រាប់ចំនួនអ្នកស្លាប់និងអ្នករបួសទេ ដោយគ្រាន់តែបាននិយាយថា គ្រោះថ្នាក់នេះ បានធ្វើឲ្យពលរដ្ឋក្រុងព្យុងរន្ធត់តក់ស្លុត៕
