ខេត្តសៀមរាប ផ្ទះប្រជាពលរដ្ឋចំនួន១៦ខ្នងត្រូវបានរលំនិងបើុងដំបូលដោយសារភ្លៀងលាយខ្យល់កន្ត្រាក់កាលពីវេលាម៉ោងជាង៤ល្ងាចនៅក្នុងថ្ងៃទី១២ ខែ ឧសភា ឆ្នាំ២០១៦ ស្ថិតនៅក្នុងភូមិ គោកថ្មី ឃុំតាសោមស្រុកអង្គរជុំ ខេត្តសៀមរាប។បើតាមសេចក្តីរាយការណ៏ អាជ្ញាធរស្រុកអង្គរជុំ បានប្រាប់កម្ពុជាថ្មី យើងអោយដឹងថា នៅវេលាម៉ោងជា៤ល្ងាចក្នុងថ្ងៃទី១២ ខែ ឧសភា នេះ មានភ្លៀងលាយខ្យល់កន្ត្រាក់បក់បោកយ៉ាងខ្លាំងមកបះ
ភូមិចំនួន១ គឺភូមិក្នុងភូមិគោកថ្មី ឃុំតាសោម របស់ស្រុកអង្គរជុំ បណ្តាលអោយរលំនិងបើុងដំបូលអស់ចំនួន១៦ខ្នង ផ្ទះ ហើយពុំមានរងរបួសគ្រួសារណាម្នាក់នោះទេ ។
អាជ្ញាធរស្រុកបានបញ្ចក់ទៀតថា មកទល់ពេលនេះ អាជ្ញាធរបានជួយអន្តរាគមជួយដល់ពួកគាត់ព្រមទាំងបានយកអំណោយរបស់កាក់បាទក្រហមទៅចែកជូនដល់ពួកគាត់ផងដែរ។
លោកបានបន្តទៀតថាក្នុងនាមអាជ្ញាស្រុកសូមអំពាវនាវអោយបងប្អូនមានការប្រុងប្រយ័ត្នអោយបានខ្ពស់បំផុត នៅពេលមានភ្លៀងធ្លាក់ ពីព្រោះ វាមិនមានតែភ្លៀងនោះទេវាលាយទ្បំនិងខ្យល់កន្ត្រាក់ផងដែរ ដូច្នេះហើយ ប្រជាពលរដ្ឋត្រូវតែមានការប្រុងប្រយ័ត្នជានិច្ច។ដោយគឿនវេត
