ក្រុងឡាហ្កូសៈឧប្បត្តិហេតុនៃការបំផ្ទុះរថយន្តគ្រាប់បែកពីរនៅចំកន្លែងមនុស្សដ៏កុះករ និងទីផ្សារដែលសម្បូរមនុស្សដ៏អ៊ូអរនៃក្រុងនីហ្សេរីយ៉ាបានសម្លាប់មនុស្សយ៉ាងតិច១១៨នាក់ និងបានធ្វើឲ្យអគារជាច្រើនទាំងមូលដួលរលំពីថ្ងៃអង្គារ និងរបួសជាច្រើននាក់ នេះបើតាម ទីភ្នាក់ងារ
សង្គ្រោះបន្ទាន់របស់ប្រទេសនេះ( the country's emergency agency ) បានឲ្យដឹង ហើយត្រូវបានវេបសាយបរទេស ផ្សាយកាលពីថ្ងៃពុធនេះ ។
លោក Mohammed Abdulsalam អ្នកសម្របសម្រួលនៅទីភ្នាក់ងារគ្រប់គ្រងដឹកនាំការសង្គ្រោះបន្ទាន់ជាតិ ( the National Emergency Management Agency ) បាននិយាយថា បន្ទាប់ពីការបំផ្ទុះដ៏សាហាវ អគារនៅក្បែរនោះបានដួលរលំ សាកសពជាច្រើនត្រូវបានរកឃើញនៅទីនោះ។ លោកបានបន្តថា៖ “ឥឡូវយើងបានរកឃើញសាកសពចំនួន១១៨ហើយ ភាគច្រើននៅក្រោមកម្ទេចថ្ម ដំបូលអគារ
លោកប្រធានាធិបតីនីហ្សេរីយ៉ាលោក ហ្គូដឡាក់ ចូណាថាន (President Goodluck Jonathan )បានថ្កោលទោសការវាយប្រហារនៅកណ្ដាលក្រុងចូស ដោយហៅការវាយប្រហារនេះថាជាការវាយប្រហារដ៏អាក្រក់ និងថ្កោលទោសក្រុមជនល្មើសថា«ឃោរឃៅ សាហាវយង់ឃ្នង។
ទន្ទឹមនឹងនេះ ទោះបីជាលោកប្រធានាធិបតីលោកហ្គូដឡាក់ ចូណាថាន (President Goodluck Jonathan ) បានសន្យាក៏ដូចជាធានាចំពោះក្រុមពលរដ្ឋនីហ្សេរីយ៉ាទាំងអស់ថា រដ្ឋាភិបាលនៅតែប្ដេជ្ញាចិត្តពេញទំហឹងដើម្បីឈ្នះសក្រុមភេរវករ នឹងមិនខ្លាចអំពើព្រៃផ្សៃរបស់ពួកគេ ក៏ដោយក៏លោកបានប្រឈមនឹងការអំពាវនាវឲ្យលាលែងពីតំណែងដោយសារការបរាជ័យក្នុងការធានាសុវត្ថិភាពរបស់ពលរដ្ឋ និង អសកម្មក្នុងការដឹកនាំដូចជាករណីការចាប់ពង្រត់ក្មេងស្រីសិស្សសាលាជាង២០០នាក់ដោយក្រុមសកម្មប្រយុទ្ធបូកូ ហារ៉ាមជដើម៕
