ខេត្តព្រះសីហនុ.នៅសាលប្រជុំអង្គភាពកំពង់ផែអន្តរជាតិក្រុងព្រះសីហនុកាលពីព្រឹកថ្ងៃទី២២ខែភសភា ឆ្នាំ២០១៤នេះសាខាគយ និងរដ្ឋករ បានរៀបចំធ្វើសន្និសិទ្ធិសារពត៌មាន ស្តីពីការចាប់បានភ្លុកដំរីចំនូនជាង៣តោនដែលចាប់បាន កន្លងមក ។ លោក គិន លី មន្ត្រីគយនិងរដ្ឋករ ច្រកទ្វារកំពង់ផែអន្តរជាតិក្រុងព្រះសីហនុបានមានបានសាសន៌ថា ភ្លុកដំរីដែលសមត្ថកិច្ចគយ សហការជាមួយព្រះរាជអាជ្ញាអមសាលាដំបូងខេត្ត ព្រះសីហនុ និងមន្ត្រីអង្គភាពពាក់ពន្ធមួយចំនួនបានធ្វើការឆែកឆេររកឃើញនូវភ្លុកដំរីចំនួន១០៨កញ្ចាប់ ស្មើនឹង៧៧៨ភ្លុក ដែលមានទម្ងន់៣០០៨.៨គីឡូក្រាម (បីតោន៨គីឡូនិង៨ខាំ) ដែលមានប្រភពនាំចេញមកពីប្រទេសកេនយ៉ា ឆ្លងកាត់ប្រទេសម៉ាឡេស៊ី រួចបន្តនាំចូលតាមច្រកកំពង់ផែអន្តរជាតិក្រុងព្រះសីហនុ ។
តាមធម្មតាគយបានបំពេញការងារសំខាន់ទាំងផ្នែកជំនាញបច្ចេកទេស ភ្ជាប់ជាមួយនិងការងារបង្កប់កម្លាំងសម្ងាត់ ។ ការស្ទាក់ចាប់បាននូវភ្លុកដំរីដ៌ច្រើនសន្ធឹកសន្ទាប់នាពេលកន្លងមកនេះ គឺដោយសារយើងមានបណ្តាញសំងាត់ចារកម្ម ទើបយើង អនុវត្តទទួលបានជោគជ័យ ។
លោក គិន លី បានបន្តទៀតថា តាមកិច្ចប្រជុំអង្គការគយពិភពលោក កានាំចូលនូវទំនិញហាមឃាត់មានដូចជា កុយរមាស និងភ្លុកដំរី ដែលជាមុខសញ្ញាដែលធ្វើការហាមឃាត់ និងទប់ស្កាត់អោយខានតែបាន ។ភ្លុកដំរីនេះក្រុមឈ្មួញនាំចូលឆ្លងកាត់ប្រទេសកម្ពុជា ព្រោះទីផ្សារភ្លូកដំរីនេះមានការពេញនិយមជាងគេតែនៅទីផ្សារក្នុងតំបន់អាស៊ីយើងប៉ុណ្ណុះហើយក្នុងនោះទីផ្សារប្រទេសវៀតណាមនិងប្រទេសចិនមានភាពល្បីល្បាញជាងគេ។
ចំណែកទីផ្សារនៅអ៊ីរ៉ុប និងអាព្រិកពុំមានទីផ្សារទើបគេនាំចូលមកកាន់តំបន់អាស៊ីយើងដោយខុសច្បាប់តាមរយៈក្រុមហ៊ុនមួយដោយលូចបង្កប់ក្នុងកុងទីន័រផ្ទុបគ្រាប់សណ្តែកសំរាប់ធ្វើចំណីសត្វ។បច្ចុប្បន្នភ្លុកដំរីទាំងអស់ត្រូវបានរក្សាទុកនៅកំពង់ផែអន្តរជាតិក្រុងព្រះសីហនុនៅឡើយរង់ចាំសេចក្តីសំរេចពីរាជរដ្ឋាភិបាលកម្ពុជា ថាតើភ្លុកដំរីទាំងអស់នេះត្រូវយកទៅធ្វើអ្វី និងយកទៅកន្លែងណានោះ ។
.គូរបញ្ជា្កក់ផងដែរថាភ្លុកដីរីដែលនាំចូលខុសច្បាប់ខាងលើនេះត្រូវបានកំលាំងសមត្ថកិច្ចគយធ្វើការចាប់ឃាត់បាននៅថ្ងៃទី០៩ខែឧសភាឆ្នាំ២០១៤ តាមរយៈម៉ាស៊ិនស្គេន ក្នុងខណៈពេលកុងទីន័រដឹកភ្លុកដំរីនេះបំរុងនាំចេញពីរកំពង់ផែស្វយត័ខេត្តព្រះសីហនុបន្តក្នុងគោលដៅឆ្ពោះទៅកាន់ផែមួយនៅឯទីក្រុងភ្នំពេញដើម្បីបន្តដំណើរទៅកាន់ប្រទេសផ្សេងទៀតពោលគឺភ្លុកដំរីនេះមិនមែននាំចូលមកសំរាប់ទីផ្សារកម្ពុជាទេគឺប្រទេសកម្ពុជាគ្រាន់ជាប្រទេសមួយសំរាប់គេរត់ពន្ធឆ្លងកាតរ់តែប៉ុណ្ណុះ ហើយនេះជាលើកទី២ហើយដែលមន្ត្រីគយចាប់បាននៅភ្លុកដំរីដូចនេះ ៕
