ភ្នំពេញ៖រថយន្តលុចស៊ីសLX450 មួយគ្រឿង ទំនងជាម្ចាស់ស្រវឹងស្រាបានបើកបរក្នុងល្បឿនលឿន ជ្រុសចង្កូតទៅបុករថយន្តកាមរីហាយព្រីកដែលកំពុងបើកបត់ឆ្លងផ្លូវជិតនិងផុត ក៏បុកចំពីចហៀង បណ្ដាលឲ្យរងការខូចខាងទាំងសងខាង ។ ហេតុការណ៍នេះបានកើតឡើងកាលពីវេលាម៉ោង១១និង២០នាទីយប់ ថ្ងៃទី១៦ ខែឧសភា ឆ្នាំ២០១៦ នៅចំណុចតាមបណ្ដោយផ្លូវសហព័ន្ឋរុស្សីុ ស្ថិតក្នុងសង្កាត់មិត្តភាព ខណ្ឌ៧មករា។តាមប្រភពព័ត៌មានពីប្រជាពលរដ្ឋដែលើញហេតុការណ៍ខាងលើបានឲ្យដឹងថា ដំបូងគឺមានរថយន្តកាមរីហាយព្រីក ពណ៌ស្ក ពាក់ស្លាកលេខភ្នំពេញ2R.2202 បានបើកបរតាមបណ្ដោយផ្លូវសហព័ន្ឋរុស្សីុ ទិសដៅពីកើតមកលិច ខណះមកដល់ចំណុចកើតហេតុ ក៏បានបទឆ្លងផ្លូវទៅឆ្វេង (បំណងបទទៅផ្លូវនេរុហ៍) ខណះឆ្លងបានពាក់កណ្ដាលផ្លូវ ស្រាប់តែមានរថយន្តលុចស៊ីសLX450 ពណ៌ខ្មៅ ពាក់ស្លាកលេខភ្នំពេញ 2R.6604 បានបើកតាមបណ្ដោយផ្លូវសហព័ន្ឋរុស្សុី ទិសដៅពីលិចទៅកើត(ទិសដៅបញ្ច្រាស់គ្នា)ក្នុងល្បឿនលឿន ដោយមិនបានប្រយ័ត្ឋនិងចាប់ហ្វាំងមិនទាន់ ក៏ជ្រុលទៅបុករថយន្តកាមរីហាយព្រីក ចំពីចំហៀងពីតែម្ដង បណ្ដាលឲ្យរថយន្តទាំងពីរគ្រឿងរងការខូចខាតទាំងសងខាង តែសំណាងល្អមិនបណ្ដាលឲ្យមនុស្សណាម្នាក់ងរបួស។
ក្រោយពេលកើតហេតុសមត្ថកិច្ចមូលដ្ឋាននិងជំនាញបានចុះធ្វើការវាស់វែងយករថយន្ដទាំងពីរគ្រឿងនោះ យកទៅរក្សាទុកនៅស្នងការចរាចរណ៍ជើងគោករាជធានីភ្នំពេញ ដើម្បីរងចាំដោះស្រាយនៅពេលក្រោយ។ដោយៈជីម ភារ៉ា
